ಏಷ್ಯನ್‌ ಕಬಡ್ಡಿ ಕೂಟಕ್ಕೆ ಬೆಂಗಳೂರು ಆತಿಥ್ಯ

ಬೆಂಗಳೂರು: ನವೆಂಬರ್‌ನಲ್ಲಿ ಭಾರತೀಯ ಬಂಡಾಯ ಕಬಡ್ಡಿ ಸಂಸ್ಥೆ ಎನ್‌ಕೆಎಫ್ಐ (ನ್ಯೂ ಕಬಡ್ಡಿ ಫೆಡರೇಷನ್‌ ಆಫ್ ಇಂಡಿಯಾ) ಬೆಂಗಳೂರಿನಲ್ಲಿ ಏಷ್ಯನ್‌ ಕಬಡ್ಡಿ ಕೂಟವನ್ನು ಆಯೋಜಿಸುತ್ತಿದೆ. ಈ ಕುರಿತಂತೆ ಆಗಸ್ಟ್‌ 19ರಂದು ಬೆಂಗಳೂರಿನಲ್ಲಿ ಏಷ್ಯನ್‌ ಒಕ್ಕೂಟದ ಸಭೆ ನಡೆಯಲಿದೆ.

ಏಷ್ಯಾದ 10 ರಾಷ್ಟ್ರಗಳು ಕೂಟದಲ್ಲಿ ಭಾಗವಹಿಸುತ್ತಿವೆ. ಪಾಕಿಸ್ತಾನ ತಂಡ ಕೂಡ ಕೂಟದಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆ ಇದೆ. ಆದರೆ ಭಾರತ ಸರ್ಕಾರದಿಂದ ಇದಕ್ಕೆ ಇನ್ನಷ್ಟೇ ಅನುಮೋದನೆ ದೊರಕಬೇಕಿದೆ. ಪಾಕ್‌ ತಂಡಕ್ಕೆ ಅನುಮತಿ ದೊರಕಿದರೆ ಕೂಟದಲ್ಲಿ ಪಾಲ್ಗೊಳ್ಳಲಿದೆ ಎನ್ನಲಾಗಿದೆ.