IPL: “ಚೆನ್ನೈ ತಂಡವನ್ನು ನಿಷೇಧಿಸಿ..!”- ಮತ್ತೆ ಬ್ಯಾನ್‌ ಕೂಗು…ಯಾಕೆ..?

ಚೆನ್ನೈ: ಹೌದು, ಇಂಥದೊಂದು ಆಕ್ರೋಶ ವ್ಯಕ್ತಪಡಿಸಿದವರು ಬೇರೆ ಯಾರೂ ಅಲ್ಲ, ಸ್ವತಃ ತಮಿಳುನಾಡು ಶಾಸಕ. ಇವರ ಮುಖ್ಯ ಆರೋಪವೆಂದರೆ, ಚೆನ್ನೈ ತಂಡದಲ್ಲಿ ತಮಿಳುನಾಡು ಆಟಗಾರರು ಇಲ್ಲದಿರುವುದು.

ಪಟ್ಟಾಲಿ ಮಕ್ಕಳ್‌ ಕಚ್ಚಿ (ಪಿಎಂಕೆ) ಪಕ್ಷದ ಶಾಸಕ ಪಿ. ವೆಂಕಟೇಶ್ವರನ್‌ ತಮಿಳುನಾಡು ವಿಧಾನಸಭೆಯಲ್ಲಿ, ಯುವ ಕಲ್ಯಾಣ ಮತ್ತು ಕ್ರೀಡಾ ಇಲಾಖೆ ಅನುದಾನದ ಬೇಡಿಕೆ ಮೇಲಿನ ಚರ್ಚೆಯ ವೇಳೆ ಸಿಎಸ್‌ಕೆ ನಿಷೇಧದ ವಿಷಯವನ್ನು ಪ್ರಸ್ತಾವಿಸಿದರು.

“ಇದು ತಮಿಳುನಾಡು ತಂಡ ಎನ್ನುತ್ತೀರಿ. ನಮ್ಮ ರಾಜ್ಯದ ಜನರಿಂದ ಲಾಭ ಮಾಡಿ ಕೊಳ್ಳುತ್ತಿದ್ದೀರಿ. ಆದರೆ ರಾಜ್ಯದಲ್ಲಿ ಅದೆಷ್ಟೋ ಮಂದಿ ಪ್ರತಿಭಾನ್ವಿತ ಕ್ರಿಕೆಟಿಗರಿದ್ದರೂ ಅವರಿಗೆ ಅವಕಾಶ ನೀಡಿಲ್ಲ. ಹೀಗಾಗಿ ಚೆನ್ನೈ ತಂಡವನ್ನು ನಿಷೇಧಿಸಬೇಕು” ಎಂಬುದಾಗಿ ಪಿ. ವೆಂಕಟೇಶ್ವರನ್‌ ಆಗ್ರಹಿಸಿದರು.