Baltimore bridge: ತನಿಖೆ ಮುಗಿವವರೆಗೆ ಸಿಬ್ಬಂದಿಗೆ ಹಡಗು ವಾಸ್ತವ್ಯ

ನ್ಯೂಯಾರ್ಕ್‌: ಅಮೆರಿಕದ ಬಾಲ್ಟಿಮೋರ್‌ನ ಸೇತುವೆಗೆ ಸರಕು ಸಾಗಣೆ ಹಡಗು ಡಿಕ್ಕಿಯಾದ ಪ್ರಕರಣದ ತನಿಖೆ ಮುಗಿವವರೆಗೆ ಅದರಲ್ಲಿರುವ 20 ಭಾರತೀಯ, ಒಬ್ಬ ಶ್ರೀಲಂಕಾದ ಸಿಬ್ಬಂದಿಗೆ ಬಿಡುಗಡೆ ಭಾಗ್ಯವಿಲ್ಲ.

ತನಿಖೆಗೆ ಎಷ್ಟು ಸಮಯ ಹಿಡಿಯಲಿದೆ ಎಂದು ತಿಳಿದು ಬಂದಿಲ್ಲ. ಅಲ್ಲಿಯವರೆಗೆ ನತದೃಷ್ಟ ಹಡಗಿನ ಸಿಬ್ಬಂದಿ ಅದರಲ್ಲಿಯೇ ಉಳಿಯಬೇಕಾಗುತ್ತದೆ ಎಂದು ಅಮೆರಿಕದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಮಾ.26ರಂದು ಸಿಂಗಾಪುರ ಮೂಲದ “ಡಾಲಿ’ ಹೆಸರಿನ ಸರಕು ಸಾಗಣೆ ಹಡಗು ಅಮೆರಿಕದ ಬಾಲ್ಟಿಮೋರ್‌ನ ಪ್ರಮುಖ ಸೇತುವೆಗೆ ಡಿಕ್ಕಿಯಾಗಿದ್ದು ಸೇತುವೆ ಕುಸಿದು ಬಿದ್ದು ಹಲವರು ಮೃತಪಟ್ಟಿದ್ದರು. ಹಡಗು ಶ್ರೀಲಂಕಾಕ್ಕೆ ಹೊರಟಿತ್ತು.