ಬೆಳಕಿನ ಹಬ್ಬ: ಕುಂದಗನ್ನಡದ ಸಂಸ್ಕೃತಿಯಲ್ಲಿ ಬಲಿಪಾಡ್ಯಮಿ

ತೆಕ್ಕಟ್ಟೆ: ಭಾರತೀಯ ಧರ್ಮ ಸಂಸ್ಕೃತಿಗಳಿಗೆ ಅದರದೆಯಾದ ಇತಿಹಾಸಸಗಳಿವೆ , ಅದರಂತೆ ಈ ಹಬ್ಬಗಳು ನಮ್ಮ ಪೂರ್ವಿಕರ ಸುಂದರ ಕಲ್ಪನೆಗಳು ಬದುಕನ್ನೇ ಸುಂದರಗೊಳಿಸಿ ವೆ. ನಮ್ಮ ಹಿರಿಯರು ಕೆಲವು ಹಬ್ಬಗಳನ್ನು ಋತುಮಾನಕ್ಕೆ ಅನುಗುಣವಾಗಿ ರೂಪಿಸಿದ್ದಾರೆ . ಸೂರ್ಯ ಮಕರ ರಾಶಿಯನ್ನು ಪ್ರವೇಶಿಸುವ ದಿನವನ್ನು ಸಂಕ್ರಾಂತಿಯಾಗಿ, ಸೂರ್ಯ ತನ್ನ ಪಥ ಬದಲಿಸುವ ದಿನವನ್ನು ರಥಸಪ್ತಮಿಯಾಗಿ, ಪ್ರಕೃತಿಯ ಉಲ್ಲಾಸಮಯ ದಿನಗಳ ಆರಂಭವನ್ನು ವಸಂತ ಋತುಮಾನ ಆಗಮನವನ್ನು ಕಾರ್ತಿಕ ಮಾಸದ ಶುಕ್ಲ ಪಕ್ಷದ ಪಾಡ್ಯದ ದಿನದಂದು ಬಲಿಪಾಡ್ಯಮಿ ಆಚರಿಸಲಾಗುತ್ತದೆ.

ಪ್ರಹ್ಲಾದನ ಮೊಮ್ಮಗ ಬಲಿಚಕ್ರವರ್ತಿ ಸಮಸ್ತ ಲೋಕಗಳನ್ನು ಗೆದ್ದು ತನ್ನ ವಶದಲ್ಲಿಟ್ಟುಕೊಂಡು ಅಟ್ಟಹಾಸ ಮೆರೆಯುತ್ತಿದ್ದ , ಮಹಾದಾನಿಯೂ ಆಗಿರುವ ಬಲಿ ಚಕ್ರವರ್ತಿ ಒಮ್ಮೆ ದೊಡ್ಡ ಯಾಗವೊಂದನ್ನು ಕೈಗೊಳ್ಳುತ್ತಾನೆ. ಯಾಗದ ಪುಣ್ಯ ಪ್ರಾಪ್ತಿಗಾಗಿ ಬೇಡಿದವರಿಗೆ ಬೇಡಿದ ದಾನವನ್ನು ನೀಡುವ ನಿರ್ಧಾರವನ್ನು ಕೈಗೊಂಡ ಇವನ ಗರ್ವವನ್ನು ಮುರಿಯಲು ಮಹಾವಿಷ್ಣುವು ವಾಮನ ರೂಪ ತಾಳಿ ಬಂದು ಮೂರು ಹೆಜ್ಜೆಯನ್ನು ಭೂಮಿಯನ್ನು ದಾನವಾಗಿ ಕೇಳುತ್ತಾನೆ.

ಇದನ್ನೂ ಓದಿ:- 1.5 ಕೋಟಿ ರೂ. ಮೌಲ್ಯದ ಮೊಬೈಲ್ ಫೋನ್ ಗಳನ್ನು ಕದ್ದ 5 ಚೋರರ ಬಂಧನ;1589 ಮೊಬೈಲ್ ಗಳು ವಶಕ್ಕೆ

ಬಲಿಯ ಒಪ್ಪಿಗೆಯ ಮೇರೆಗೆ ಒಂದು ಹೆಜ್ಜೆಯನ್ನು ಭೂಮಿಯ ಮೇಲೂ , ಒಂದು ಹೆಜ್ಜೆಯನ್ನು ಆಕಾಶದ ಮೇಲೂ, ಮೂರನೆಯ ಹೆಜ್ಜೆಯನ್ನು ಬಲಿ ಚಕ್ರವರ್ತಿಯ ತಲೆಯ ಮೇಲೆ ಕಾಲಿಟ್ಟು ಮುಕ್ತಿ ಕರುಣಿಸುತ್ತಾನೆ. ಮುಂದೆ ವರ್ಷದಲ್ಲಿ ಒಮ್ಮೆ ಬಲಿ ಚಕ್ರವರ್ತಿಯನ್ನು ನೆನೆದು ಈ ಭೂಮಿಯಲ್ಲಿ ಸರ್ವ ಸಮೃದ್ಧಿಯಾಗಲೆಂದು ಗ್ರಾಮೀಣ ಕೃಷಿಕರು ಹೊಲಗಳಲ್ಲಿ ಹೂವು ನೈವೇದ್ಯಗಳನ್ನು ಅರ್ಪಿಸಿ ಮಹಾರಾಜರನ್ನು ಕೂಗಿ ಕರೆಯುವ ಪದ್ದತಿ ಇಂದಿಗೂ ಜೀವಂತವಾಗಿದೆ. ಹತ್ತು ಹಲವು ಹಬ್ಬಗಳನ್ನು ರೂಪಿಸಿದ್ದಾರೆ.

ಇಷ್ಟೊಂದು ಒಳ್ಳೆಯ ಆಶಯ, ಸಂಭ್ರಮ ತುಂಬಿಕೊಂಡ ಹಬ್ಬಗಳು ಇತ್ತೀಚಿಗೆ ತಮ್ಮ ಮಹತ್ವವನ್ನು ಕಳೆದುಕೊಳ್ಳುತ್ತಿರುವುದು ನಿಜವಾಗಲು ವಿಷಾದಕರ. ಈ ಜಾಗತೀಕರಣ ನಡುವೆ ಹಬ್ಬಗಳೆಂದರೆ ಡಿಸ್ಕೌಂಟ್‌ ಸೇಲ್‌, ಶಾಪಿಂಗ್‌ ಸಮಯಗಳಿಗೆ ಮಾತ್ರ ಸೀಮಿತವಾಗದೆ ನಮ್ಮ ಸುಂದರ ಸಂಸೃತಿಯ ಬಗೆಗೆ ಯುವ ಸಮುದಾಯಗಳು ಅರಿತು ಬೆರೆತು ಹಬ್ಬಗಳ ಆಚರಣೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳಬೇಕಾಗಿದೆ.

ಕುಂದಗನ್ನಡದ ಸಂಸ್ಕೃತಿಯಲ್ಲಿ ಗದ್ದೆಯಲ್ಲಿ ದೀಪ ಬೆಳಗುವುದು : ಗ್ರಾಮೀಣ ರೈತರು ಬಲೀಂದ್ರನನ್ನು ಅತ್ಯಂತ ಭಕ್ತ ಭಾವದಿಂದ ಭರಮಾಡಿಕೊಳ್ಳುವ ನಿಟ್ಟಿನಿಂದ ತೆಂಗಿನ ಮರದ ಒಣಗಿದ ಕೊನೆಯಿಂದ (ಕೊಂತಳಿ)ಸಿದ್ದಪಡಿಸಿದ ದೀಪ ( ನೆಣೆ ಕೋಲು ) ಗದ್ದೆಯಲ್ಲಿ ದೀಪ ಬೆಳಗಿ ಹಿಟ್ಟು (ಗೊಡಿØಟ್ಟು ),ಹೊಸ ಬೆಳೆಯ ಅವಲಕ್ಕಿ , ವೀಳ್ಯದೆಲೆ, ಅಡಿಕೆ, ಕೆಸ್ಕಾರ್‌ ಹೂವು, ಜಂಗಮ ಸೊಪ್ಪು, ಕೂಳಿ ಹೂವು ಹಾಗೂ ಕೋಳೆ ಹೂವುಗಳನ್ನು ಕೃಷಿ ಸಂಸ್ಕೃತಿಗೆ ಪೂರಕವಾಗಿ ಸಮರ್ಪಿಸುವ ವಿಶಿಷ್ಟ ಪದ್ಧತಿ ಇದೆ.

ಗದ್ದೆಗಳಿಗೆ ದೀಪ ಬೆಳಗಿದ ಬಳಿಕ ಕೃಷಿಕ ತನ್ನ ಮನೆಯಲ್ಲಿನ  ಹೊಲಿ ರಾಶಿ (ಭತ್ತದ ರಾಶಿ)ಗೆ ಪೂಜೆ ಸಲ್ಲಿಸಿದ ಬಳಿಗೆ ನಂಬಿಕೆಯಂತೆ ಹುಲ್ಲಿನ ರಾಶಿ (ಹುಲ್ಕುತ್ರಿ) , ಗೊಬ್ಬರದ ಗುಂಡಿಗೆ ದೀಪ ಹಚ್ಚುವ ಮೂಲಕ ದೀಪಾವಳಿ ಹಬ್ಬದ ದೀಪ ಕಾಣ್‌… ಮುಂಬಪ್ಪ ಕೊಡಿ ಕಾಣ್‌…. ಎಂದು ಕುಂದಗನ್ನಡದ ಗ್ರಾಮೀಣ ಕೃಷಿಕರು ಗೋವಿನ ಮುಂದೆ ನಿಂತು ಹೇಳಿ ನಂತರ ಹೊಸ ಬೆಳೆ ಹಾಗೂ ಹಿಟ್ಟನ್ನು ಗೋವುಗಳಿಗೆ ಸಮರ್ಪಿಸುವ ಸಂಪ್ರದಾಯವಿದೆ.

– ಟಿ.ಲೋಕೇಶ್‌ ಆಚಾರ್ಯ ತೆಕ್ಕಟ್ಟೆ.