ಬಜಪೆ: ಬೃಹತ್ ಗಾತ್ರದ ಮಾವಿನ ಮರ ಬಿದ್ದು ಹಲವು ವಾಹನಗಳಿಗೆ ಹಾನಿ

ಬಜಪೆ: ಇಲ್ಲಿನ ಗ್ರಾಮ ಪಂಚಾಯತ್ ಸಮೀಪದಲ್ಲಿರುವ ತಾಲೂಕು ಪಂಚಾಯತ್ ಗೆ ಸಂಬಂಧಿತ ಜಾಗದಲ್ಲಿರುವ ಮಾವಿನ ಮರವು ಮಧ್ಯಾಹ್ನ 12.30ರ ವೇಳೆಗೆ ಮರದ ಕೆಳಗೆ ನಿಲ್ಲಿಸಿದ ಮಿನಿ ಲಾರಿ, ಮಿನಿ ಟೆಂಪೋ ಹಾಗೂ ಕಾರಿನ ಮೇಲೆ ಬಿದ್ದು ಹಾನಿಯಾಗಿದೆ.

ತಾ.ಪಂ.ಗೆ ಸಂಬಂಧಿಸಿದ ಜಾಗದಲ್ಲಿ ಮಾವಿನ ಮರಕ್ಕೆ ಸುಮಾರು ಒಂದು ವರ್ಷದ ಹಿಂದೆ ಬೆಂಕಿ ತಗುಲಿ ಅಪಾಯದ ಪರಿಸ್ಥಿತಿಯಲ್ಲಿತ್ತು. ಈ ಬಗ್ಗೆ ಗ್ರಾ.ಪಂ. ತಾ.ಪಂ.ಗೆ ಮನವಿ ಮಾಡಲಾಗಿತ್ತು.

ಸೋಮವಾರ ಮಧ್ಯಾಹ್ನ ಹೊತ್ತಿಗೆ ಮರ ಬಿದ್ದಿದ್ದು ಪರಿಣಾಮ ನೆರಳಿಗಾಗಿ ಮರದ ಕೆಳಗೆ ನಿಲ್ಲಿಸಿದ್ದ ಮಿನಿಲಾರಿ, ಮಿನಿ ಟೆಂಪೋ, ಹಾಗೂ ಕಾರಿಗೆ ಹಾನಿಯಾಗಿದೆ.