ಅಮೆರಿಕದಲ್ಲಿ ಬಾಗಲಕೋಟೆ ಮಹಿಳಾ ಪೊಲೀಸ್ ಮಂಜುಶ್ರಿ ಸಾಧನೆ

ವಾಷಿಂಗ್ಟನ್/ಬಾಗಲಕೋಟೆ: ಅಮೆರಿಕದಲ್ಲಿ ನಡೆದ ಪೊಲೀಸ್ ವರ್ಲ್ಡ್ ಅಥ್ಲೆಟಿಕ್ಸ್ ಲಾಂಗ್ ಜಂಪ್ ನಲ್ಲಿ ಬಾಗಲಕೋಟೆ ಮೂಲದ ಮಹಿಳಾ ಕಾನ್ಸ್ ಟೇಬಲ್ ಮಂಜುಶ್ರಿ ಪ್ರಥಮ ಸ್ಥಾನ ಗಳಿಸಿದ್ದಾರೆ.

ಬುಧವಾರ ಅಮೆರಿಕದ ಲಾಸ್ ಏಂಜಲೀಸ್ ನಲ್ಲಿ ನಡೆದ ಪೊಲೀಸ್ ವರ್ಲ್ಡ್ ಅಥ್ಲೆಟಿಕ್ಸ್ ಲಾಂಗ್ ಜಂಪ್ ಸ್ಪರ್ಧೆಯಲ್ಲಿ ಮಂಜುಶ್ರಿ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಮಂಜುಶ್ರಿ ಬಾಗಲಕೋಟೆ ಜಿಲ್ಲೆ ಬಾದಾಮಿ ತಾಲೂಕಿನ ಸೋಮನಕೊಪ್ಪ ಗ್ರಾಮದ ನಿವಾಸಿ. ಪ್ರಸ್ತುತ ಮಂಜುಶ್ರಿ ಅವರು ಕಳೆದ 3 ವರ್ಷಗಳಿಂದ ನವದೆಹಲಿಯಲ್ಲಿ ಕೇಂದ್ರೀಯ ಮೀಸಲು ಪಡೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.