ಶಟ್ಲರ್‌ ಜ್ವಾಲಾ ಗುಟ್ಟಾ-ನಟ ವಿಷ್ಣು ವಿಶಾಲ್‌ ನಿಶ್ಚಿತಾರ್ಥ

ಹೈದರಾಬಾದ್: ಭಾರತದ ಬ್ಯಾಡ್ಮಿಂಟನ್‌ ತಾರೆ ಜ್ವಾಲಾ ಗುಟ್ಟಾ ಸೋಮವಾರ ತಮ್ಮ 37ನೇ ಜನ್ಮದಿನದಂದು ನಿಶ್ಚಿತಾರ್ಥದ ಸುದ್ದಿಯನ್ನು ಪ್ರಕಟಿಸಿದ್ದಾರೆ. ನಟ, ಗೆಳೆಯ ವಿಷ್ಣು ವಿಶಾಲ್‌ ಜತೆ ತನ್ನ ವಿವಾಹ ನಡೆಯಲಿದೆ ಎಂಬುದಾಗಿ ಟ್ವೀಟ್‌ ಮಾಡಿದ್ದಾರೆ.

“ವಾಟ್‌ ಎ ಬ್ಯೂಟಿಫ‌ುಲ್‌ ಸರ್‌ಪ್ರೈಸ್‌! ಕಳೆದ ರಾತ್ರಿ ವಿಷ್ಣು ವಿಶಾಲ್‌ ಎಂಗೇಜ್‌ಮೆಂಟ್‌ ಉಂಗುರ ತೋಡಿಸಿದಾಗ ನಾನು ಅಚ್ಚರಿಗೊಂಡೆ’ ಎಂಬುದಾಗಿ ಕಾಮನ್ವೆಲ್ತ್‌ ಗೇಮ್ಸ್‌ ಬಂಗಾರ ಪದಕ ಗೆದ್ದಿರುವ ಜ್ವಾಲಾ ಗುಟ್ಟಾ ಸಂಭ್ರಮಿಸಿದ್ದಾರೆ.