ಬ್ಯಾಡ್ಮಿಂಟನ್‌ ಕಿರಿಯರ ವಿಶ್ವಕೂಟ: ಮಲೇಷ್ಯಾ ವಿರುದ್ಧ ಭಾರತಕ್ಕೆ ಸೋಲು

ನವದೆಹಲಿ: ಭಾರತ ತಂಡ ವಿಶ್ವ ಬ್ಯಾಡ್ಮಿಂಟನ್‌ ಕಿರಿಯರ ಕೂಟದ ಕ್ವಾರ್ಟರ್‌ಫೈನಲ್‌ನಲ್ಲಿ ಮಲೇಷ್ಯಾ ವಿರುದ್ಧ 1-3 ಅಂತರದಿಂದ ಸೋಲು ಕಂಡಿದೆ. ಒಟ್ಟಾರೆ ಕೂಟದಲ್ಲಿ 6ನೇ ಸ್ಥಾನಿಯಾಗಿ ಸ್ಪರ್ಧೆ ಮುಗಿಸಿದೆ. ಗುಂಪು ಹಂತದ ಪಂದ್ಯದಲ್ಲಿ ಭಾರತ ಅಜೇಯ ಪ್ರದರ್ಶನ ನೀಡಿತ್ತು. ಎದುರಾಳಿಗೆ ನಡುಕ ಹುಟ್ಟಿಸಿತ್ತು. ಆದರೆ ಕ್ವಾರ್ಟರ್‌ಫೈನಲ್‌ನಲ್ಲಿ ಭಾರತ ಎದುರಾಳಿ ವಿರುದ್ಧ 1 ಪಂದ್ಯ ಗೆದ್ದದ್ದು ಬಿಟ್ಟರೆ ಉಳಿದ ಪಂದ್ಯದಲ್ಲಿ ಸೋಲುಂಡು ನಿರಾಶೆ ಮೂಡಿಸಿತು.