ಎಸ್ಕೇಪ್‌ ಚಿತ್ರಕ್ಕೆ ಹಿನ್ನೆಲೆ ಸಂಗೀತ

ಎಸ್ಕೇಪ್‌… ಈ ಹೆಸರು ಕೇಳಿದರೆ ಇದೊಂದು ಆ್ಯಕ್ಷನ್‌, ಥ್ರಿಲ್ಲರ್‌ ಸಿನಿಮಾದ ನೆನಪಾಗುತ್ತೆ. ಹೌದು, ಇದು ಖಂಡಿತವಾಗಿಯೂ ಸಸ್ಪೆನ್ಸ ಥ್ರಿಲ್ಲರ್‌ ಕಥೆಯುಳ್ಳ  ಚಿತ್ರ. ಈ ಚಿತ್ರ ಇದೀಗ ಪೂರ್ಣಗೊಂಡಿದ್ದು, ಈಗಷ್ಟೇ ಹಿನ್ನೆಲೆ ಸಂಗೀತ ನಡೆಯುತ್ತಿದೆ. ಕನಕ ಸ್ಪಾರ್ಕಲ್‌ ಫ್ರೆಮ್ಸ್‌ ಬ್ಯಾನರ್‌ನಲ್ಲಿ ತಯಾರಾಗುತ್ತಿರುವ ಈ ಚಿತ್ರವನ್ನು ದರ್ಶನ್‌ ಕನಕ ನಿರ್ಮಿಸುತ್ತಿದ್ದಾರೆ.

ಅಷ್ಟೇ ಅಲ್ಲ, ಅವರು ಈ ಚಿತ್ರಕ್ಕೆ ಕ್ಯಾಮೆರಾವನ್ನು ಹಿಡಿದಿದ್ದಾರೆ. ಚಿತ್ರಕ್ಕೆ ಕಥೆ, ಚಿತ್ರಕಥೆಯ  ಜವಾಬ್ದಾರಿಯನ್ನೂ ದರ್ಶನ್‌ ಕನಕ ನಿರ್ವಹಿಸಿರುವುದು ಇನ್ನೊಂದು ವಿಶೇಷ. ಸಾಯಿಕಿರಣ್‌ ಅವರು ಚಿತ್ರಕ್ಕೆ ಸಂಗೀತ ಕಟ್ಟಿಕೊಟ್ಟಿದ್ದಾರೆ. ಹೈಟ್‌ ಮಂಜು ಅವರು ನೃತ್ಯವನ್ನು ಸಂಯೋಜಿಸಿದ್ದಾರೆ. ವಿಎಫ್ಎಕ್ಸ್‌ ಅಭಿ ಅವರು ಸಂಕಲನ ಮಾಡಿದ್ದಾರೆ. ಆನಂದ್‌ ಮತ್ತು ಸಿದ್ದು ಅವರು ಸಹ ನಿರ್ದೇಶನ ಮಾಡಿದ್ದಾರೆ. 

ಪ್ರಭು ಹಾಗು ರಘು ಅವರು ಕಲಾನಿರ್ದೇಶನ ಮಾಡಿದರೆ, ಅನಿಲ್‌ ಅವರು ಇಡೀ ಚಿತ್ರದ ನಿರ್ವಹಣೆ ಮಾಡಿದ್ದಾರೆ. ಈ ಚಿತ್ರದ ತಾರಾಬಳಗದಲ್ಲಿ ದೀಪಮ್‌ ಕೊಯ್ಲಿ, ಪ್ರಗ್ಯಾ ನಯನ್‌, ಭರತ್‌, ರಘು ಪಾಂಡೇಶ್ವರ್‌, ಮಾಸ್ಟರ್‌ ಹೇಮಂತ್‌ ಸೇರಿದಂತೆ ಅನೇಕ ಕಲಾವಿದರು ನಟಿಸಿದ್ದಾರೆ.