Advertisement

ನಿಮ್ಮ ಮಗು ಸರಿಯಾಗಿ ನಿದ್ದೆ ಮಾಡುತ್ತಿಲ್ಲವೇ ? ಹಾಗಾದರೆ ಹೀಗೆ ಮಾಡಿ

04:50 PM May 22, 2021 | Team Udayavani |

ಪುಟ್ಟ ಮಕ್ಕಳು ಜಾಸ್ತಿ ಹೊತ್ತು ನಿದ್ದೆ ಮಾಡಬೇಕು. ಇದು ಆರೋಗ್ಯದ ದೃಷ್ಠಯಿಂದಲೂ ಉತ್ತಮ. ಆದರೆ, ಕೆಲವು ಕಂದಮ್ಮಗಳು ಗುಟುಕು ನಿದ್ದಗೆ ಸೀಮಿತವಾಗಿರುತ್ತವೆ. ಅಮ್ಮಂದಿರುಗಳು ಎಷ್ಟೇ ಜೋಗುಳ ಪದ ಹಾಡಿದರೂ ನಿದ್ರಾ ದೇವತೆ ಮಾತ್ರ ಕೂಸುಗಳತ್ತ ಸುಳಿಯುವುದಿಲ್ಲ.  ಈ ಸಮಸ್ಯೆ ನಿವಾರಿಸಬೇಕಾದರೆ, ನಿಮ್ಮ ಮಕ್ಕಳು ಗಡದ್ದಾಗಿ ನಿದ್ದೆ ಹೊಡೆಯಬೇಕಿದ್ದರೆ, ಈ ಕೆಳಗೆ ನಾವು ತಿಳಿಸಿರುವ ಕೆಲವು ವಿಧಾನಗಳನ್ನು ಅನುಸರಿಸಿ.

Advertisement

ನಿದ್ದೆಯ ರುಚಿ ಹತ್ತಿಸಿ:

ಮಗುವನ್ನು ಪ್ರತಿದಿನ ಮಲಗಿಸಲು ಪ್ರಯತ್ನಿಸಿ. ನೀವು ಇದನ್ನು ಮೊದಲಿನಿಂದಲೂ ಮಾಡಿದರೆ, ಅದು ತನ್ನಷ್ಟಕ್ಕೆ ಅಭ್ಯಾಸವಾಗಿಸುತ್ತದೆ. ದಿನಕಳೆದಂತೆ ನೀವು ಮಲಗಿಸುವುದು ಬೇಕಾಗಿಲ್ಲ. ಅದರ ಟೈಮ್ ಬಂದಾಗ ಅದೇ ನಿದ್ದೆಗೆ ಜಾರುತ್ತದೆ

ಮಸಾಜ್ ಮಾಡಿ:

ಮಲಗುವ ಮೊದಲು ಮಗುವಿಗೆ ಮಸಾಜ್ ಮಾಡುವುದು ತುಂಬಾ ಪ್ರಯೋಜನಕಾರಿಯಾಗಿದೆ. ಇದರಿಂದ ಅವರ ದೇಹ ನಿದ್ರಾವಸ್ಥೆಗೆ ಜಾರುತ್ತದೆ. ಜೊತೆಗೆ ಮಸಾಜ್ ಮಕ್ಕಳಿಗೆ ನಿದ್ದೆ ಬರಲು ಸಹಾಯ ಮಾಡುತ್ತದೆ.

Advertisement

ಮಲಗುವ ಕೋಣೆ ಕತ್ತಲಾಗಿರಲಿ:

ಮಗುವನ್ನು ಮಲಗಿಸುವಾಗ ಕೋಣೆ ಕತ್ತಲಾಗಿರುವುದನ್ನು ಖಚಿತಪಡಿಸಿಕೊಳ್ಳಿ, ಏಕೆಂದರೆ ಕತ್ತಲೆಯಲ್ಲಿ, ನಿದ್ರೆಗೆ ಸಂಬಂಧಿಸಿದ ಹಾರ್ಮೋನ್ ಸಕ್ರಿಯಗೊಳ್ಳುತ್ತದೆ. ಈ ಹಾರ್ಮೋನ್ ನಿದ್ರೆ ಮಾಡಲು ಸಹಾಯ ಮಾಡುತ್ತದೆ. ಸಾಧ್ಯವಾದರೆ ಬಾಗಿಲು ಮುಚ್ಚಿ ಇದರಿಂದ ಮಗುವಿಗೆ ಅಡಚಣೆಯಿಲ್ಲದ ಉತ್ತಮ ನಿದ್ರೆ ಸಿಗುತ್ತದೆ.

ಮನೆಯಲ್ಲಿ ನಿಶ್ಯಬ್ದವಿರಲಿ:

ನಿಮ್ಮ ಮಗು ನಿದ್ದೆ ಮಾಡುವಾಗ, ಮನೆಯಲ್ಲಿ ಮಿಕ್ಸರ್, ವ್ಯಾಕ್ಯೂಮ್ ಕ್ಲೀನರ್ ಮುಂತಾದ ದೊಡ್ಡ ಶಬ್ದ ಬರುವ ಸಾಧನಗಳನ್ನು ಬಳಸಬೇಡಿ. ಈ ಶಬ್ದ ಕೇಳಿ ಮಕ್ಕಳು ಈ ಭಯದಿಂದ ಎಚ್ಚರಗೊಳ್ಳುತ್ತಾರೆ. ಅದಲ್ಲದೇ, ಮಗುವಿಗೆ ಉತ್ತಮ ನಿದ್ರೆ ಬರಲು ಸಣ್ಣ ಸಂಗೀತ ಮತ್ತು ಬೆಚ್ಚಗಿನ ಗಾಳಿ ಸಹಕಾರಿಯಾಗಿದೆ. ನೀವು ಇದನ್ನು ಅವರ ಕೋಣೆಯಲ್ಲಿ ಫಿಕ್ಸ್ ಮಾಡಬಹುದು.

ಮಗುವಿನ ಜೊತೆ ನೀವೂ ಮಲಗಬೇಡಿ:

ನೀವು ಬಯಸಿದಲ್ಲಿ, ಮಕ್ಕಳು ನಿದ್ರಿಸುವವರೆಗೂ ಅವರೊಂದಿಗೆ ಮಲಗಬಹುದು. ಆದರೆ ನಿದ್ದೆಬಂದ ಮೇಲೂ ಅವನೊಂದಿಗೆ ಅಲ್ಲಿಯೇ ಮಲಗಬೇಡಿ. ನೀವು ಹಾಗೇ ಮಲಗಿದ್ದೇ ಆದಲ್ಲಿ ಮಗುವಿಗೆ ನಿಮ್ಮ ಶಾಖ ಅಭ್ಯಾಸವಾಗುವುದು. ಮತ್ತು ನೀವು ದೂರ ಹೋದಾಗ ಮಗು ಎಚ್ಚರಗೊಳ್ಳುತ್ತದೆ. ಆದ್ದರಿಂದ ನಿಮ್ಮ ಮಗುವಿನಲ್ಲಿ ಈ ರೀತಿಯ ಅಭ್ಯಾಸವನ್ನು ನೀವು ಬೆಳೆಸಿಕೊಳ್ಳದಿರುವುದು ಉತ್ತಮ. ಮಗುವಿಗೆ ನಿದ್ದೆ ಬಂದಾಗ, ನಂತರ ಅವನನ್ನು ತೊಡೆಯಿಂದ ಅಥವಾ ಸ್ವಿಂಗ್ನಿಂದ ಹೊರಗೆ ಮಲಗಿಸಿ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next