ಮಡೆನೋವಿಕ್‌ –ಬಬೋಸ್‌ಗೆ ಫ್ರೆಂಚ್‌ ಓಪನ್‌ ಡಬಲ್ಸ್‌ ಪ್ರಶಸಿ

ಪ್ಯಾರಿಸ್‌: ಸ್ಥಳೀಯ ಫೇವರಿಟ್‌ ಕ್ರಿಸ್ಟಿನಾ ಮಡೆನೋವಿಕ್‌ ಮತ್ತು ಹಂಗೇರಿಯ ಟೈಮಿಯಾ ಬಬೋಸ್‌ ಅವರು ಅಮೋಘ ಗೆಲುವಿನ ಮೂಲಕ ಫ್ರೆಂಚ್‌ ಓಪನ್‌ನ ಡಬಲ್ಸ್‌ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ. ಇದು ಅವರಿಬ್ಬರು ಜತೆಯಾಗಿ ಗೆದ್ದ ನಾಲ್ಕನೇ ಗ್ರ್ಯಾನ್‌ ಸ್ಲಾಮ್‌ ಪ್ರಶಸ್ತಿಯಾಗಿದೆ.

ಕೋವಿಡ್‌-19 ಮಾರ್ಗಸೂಚಿಯಿಂದಾಗಿ ಯುಎಸ್‌ ಓಪನ್‌ನಿಂದ ಹಿಂದೆ ಸರಿದಿದ್ದ ಬಬೋಸ್‌ ಮತ್ತು ಮಡೆನೋವಿಕ್‌ ಅವರು ಇಲ್ಲಿ ನಡೆದ ಫೈನಲ್‌ನಲ್ಲಿ ಅಮೆರಿಕದ ಡಿಸೈರೀ ಕ್ರಾಚಿಕ್‌ ಮತ್ತು ಚಿಲಿಯ ಅಲೆಕ್ಸಾ ಗುರಾಚಿ ಅವರನ್ನು 6-4, 7-5 ನೇರ ಸೆಟ್‌ಗಳಿಂದ ಮಣಿಸಿದರು.

ಇದನ್ನೂ ಓದಿ:ಎಂಪಿಎಲ್‌ನಲ್ಲೂ ಮಿಂಚಿದ್ದ ಆರ್‌ಸಿಬಿಯ ಪಡಿಕ್ಕಲ್‌

ಫ್ರಾನ್ಸಿನ ಮಡೆನೋವಿಕ್‌ ಅವರಿಗಿದು 5ನೇ ಡಬಲ್ಸ್‌ ಪ್ರಶಸ್ತಿಯಾಗಿದೆ. ಅವರು ಈ ಹಿಂದೆ ಕ್ಯಾರೋಲಿನ್‌ ಗಾರ್ಸಿಯಾ ಜತೆಗೂಡಿ ಫ್ರೆಂಚ್‌ ಓಪನ್‌ ಪ್ರಶಸ್ತಿ ಜಯಿಸಿದ್ದರು.