ಆಯುಷ್‌ ವೈದ್ಯರು ರಾಜೀನಾಮೆ

ಅರಸೀಕೆರೆ: ಗುತ್ತಿಗೆ ಆಧಾರಿತ ಕರ್ತವ್ಯ ನಿರ್ವಹಿಸುತ್ತಿರುವ ಆಯುಷ್‌ ವೈದ್ಯರು ಸಮಾನ ವೇತನ ಹಾಗೂ ಸೇವಾ ಭದ್ರತೆ ಸೇರಿ ವಿವಿಧ ಬೇಡಿಕೆ ಈಡೇರಿಕೆಗೆ ಸರ್ಕಾರ ಸ್ಪಂದಿಸದ ಕಾರಣ ಆಯುಷ್‌ ಫೆಡರೇಷನ್‌ ಆಫ್ ಇಂಡಿಯಾ ಸಂಘಟನೆ ಸೂಚನೆ ಮೇರೆಗೆ ವೈದ್ಯರು ತಾಲೂಕು ಆರೋಗ್ಯಾಧಿಕಾರಿಗಳಿಗೆ ರಾಜೀನಾಮೆ ಪತ್ರ ನೀಡಿದರು.

ತಾಲೂಕು ಆರೋಗ್ಯಾಧಿಕಾರಿಗಳ ಕಚೇರಿಗೆ ಭೇಟಿ ನೀಡಿದ ಗುತ್ತಿಗೆ ಆಧಾರಿತ ಕರ್ತವ್ಯ ನಿರ್ವಹಿಸುತ್ತಿರುವ ರಾಷ್ಟ್ರೀಯ ಬಾಲ ಸ್ವಾಸ್ಥ್ಯ ಕಾರ್ಯಕ್ರಮ, ರಾಷ್ಟ್ರೀಯ ಆರೋಗ್ಯ ಅಭಿಯಾನದ 13 ಮಂದಿ ಆಯುಷ್‌ ವೈದ್ಯರು ತಾಲೂಕು ಆರೋಗ್ಯಾಧಿಕಾರಿಗಳಿಗೆ ರಾಜೀನಾಮೆ ಪತ್ರ ಸಲ್ಲಿದರು. ಆಯುಷ್‌ ವೈದ್ಯರಾದ ಡಾ.ಪತಂಜಲಿ, ರಾಜ್ಯದಲ್ಲಿ 1800ಕ್ಕೂ ಹೆಚ್ಚಿನ ಆಯುಷ್‌ ವೈದ್ಯರು ರಾಷ್ಟ್ರೀಯ ಬಾಲ ಸ್ವಾಸ್ಥ್ಯ ಕಾರ್ಯಕ್ರಮ, ಮತ್ತು ರಾಷ್ಟ್ರೀಯ ಆರೋಗ್ಯ ಅಭಿಯಾನ, ಎಂಬಿಬಿಎಸ್‌ ಎದುರು ಹುದ್ದೆಯಲ್ಲಿ ಗುತ್ತಿಗೆ ಆಧಾರಿತವಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅತ್ಯಂತ ಕನಿಷ್ಠ ವೇತನ ನೀಡಲಾಗುತ್ತಿದೆ. ಅಲ್ಲದೆ ಸೇವಾ ಭದ್ರತೆ ಇಲ್ಲದ ಕಾರಣ ಆಯುಷ್‌ ಫೆಡರೇಷನ್‌ ಆಫ್ ಇಂಡಿಯಾ ಸಂಘಟನೆ ನೇತೃತ್ವದಲ್ಲಿ ಶಾಂತಿಯುತ ಪ್ರತಿಭಟನೆ ನಡೆಸಿ ಮುಖ್ಯಮಂತ್ರಿಗಳಿಗೆ, ಆರೋಗ್ಯ ಇಲಾಖೆ ಸಚಿವರಿಗೆ ಮನವಿ ಮಾಡಿದರೂ ಇದುವರೆಗೂ ಬೇಡಿಕೆಗೆ ಸ್ಪಂದಿಸದ ಕಾರಣ ಸಂಘಟನೆ ಸೂಚನೆ ಮೇರೆಗೆ ರಾಜೀನಾಮೆ ನೀಡಿದ್ದೇವೆ ಎಂದರು.

ಆಯುಷ್‌ ವೈದ್ಯರಾದ ಡಾ.ಶರಣಪ್ಪ ಪಾಟೀಲ್‌, ಡಾ.ಕುಮಾರ್‌, ಡಾ.ರಾಘವೇಂದ್ರ, ಡಾ.ಮೋಹನ್‌, ಡಾ.ಬಸವ ರಾಜು, ಡಾ.ಜಿ.ಬಿ.ಕಟ್ಟಿ, ಡಾ.ರಂಜನಿ, ಡಾ.ಚೈತ್ರಾ, ಡಾ.ವಿನೂತ, ಡಾ.ಶಾಮಲ, ಡಾ.ನಗ್ಮಾ ನಿಗಾರ್‌, ಡಾ.ನಾಗರಾಜು, ಡಾ.ರಶ್ಮಿ ಇದರು.