ಅಯೋಧ್ಯೆ ಸಂಧಾನ  ಮಾರ್ಗ ಮುಕ್ತಾಯ: ಪಾಂಡೆ

ಅಯೋಧ್ಯೆ: ಅಯೋಧ್ಯಾ ವಿವಾದವನ್ನು ಸಮುದಾಯಗಳ ನಡುವೆ ಸಂಧಾನ ಮೂಲಕ ಬಗೆಹರಿಸುವ ಆಯ್ಕೆ ಕೊನೆಗೊಂಡಿದೆ ಮತ್ತು ಬಿಜೆಪಿ ಸಾಂವಿಧಾನಿಕ ಅಥವಾ ಶಾಸನಾತ್ಮಕ ವಿಧಾನ ಮೂಲಕ ಅಲ್ಲಿ ರಾಮಮಂದಿರ ನಿರ್ಮಿಸುವ ನಿಟ್ಟಿನಲ್ಲಿ ಕೆಲಸ ಮಾಡಲಿದೆ ಎಂದು ಪಕ್ಷದ ಫೈಜಾಬಾದ್‌ ಜಿಲ್ಲಾ ಅಧ್ಯಕ್ಷ ಅವಧೇಶ್‌ ಪಾಂಡೆ ಹೇಳಿದ್ದಾರೆ. 

ಆಯೋಧ್ಯೆಯ ಹೆಚ್ಚಿನ ಜನರು ಮಂದಿರ ನಿರ್ಮಾಣವಾಗುವುದನ್ನು ಬಯಸುತ್ತಿದ್ದಾರೆ, ಏಕೆಂದರೆ ಇದೊಂದು ನಂಬಿಕೆಯ ಪ್ರಶ್ನೆಯಾಗಿದೆ. ಬಿಜೆಪಿಯೊಂದೇ ಜನರಿಗಾಗಿ ಈ ವಿಚಾರವನ್ನು ಪ್ರಸ್ತಾವಿಸುತ್ತಿದೆ ಎಂದವರು ಮಂಗಳವಾರ ಇಲ್ಲಿ ಸುದ್ದಿಗಾರರೊಂದಿಗೆ ಹೇಳಿದರು. ಈ ಹಿಂದೆ ಸಮುದಾಯಗಳ ನಡುವೆ ಸಂಧಾನಕ್ಕೆ ಆಯ್ಕೆಯೊಂದು ಇತ್ತು ಮತ್ತು ಕೋರ್ಟು ಕೂಡ ಅದಕ್ಕೆ ಅವಕಾಶ ನೀಡಿತ್ತು. ಆದರೆ ಆದು ಫ‌ಲಪ್ರದವಾಗಲಿಲ್ಲ ಎಂದವರು ನುಡಿದರು.