ಗಣ್ಯರಿಗೆ ನೆಲೆಯಾಗಿದ್ದ “ನಂ. 64′

ಹೊಸದಿಲ್ಲಿ: ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರಿಗೆ ನೀಡಲಾಗಿರುವ ನವ ದಿಲ್ಲಿಯ ಕೃಷ್ಣಾ ಮೆನನ್‌ ಮಾರ್ಗದಲ್ಲಿನ “ಬಂಗಲೆ ಸಂಖ್ಯೆ 64′ ನಿವಾಸದಲ್ಲಿ ಈ ಹಿಂದೆ ಮಾಜಿ ಪ್ರಧಾನಿ ವಾಜಪೇಯಿ ನೆಲೆಸಿದ್ದರಾದರೂ, ಅವರಿಗೂ ಹಿಂದೆ ಅದರಲ್ಲಿ ಅನೇಕ ಗಣ್ಯರು ನೆಲೆಸಿದ್ದರು ಎಂದು ದಿಲ್ಲಿಯ ಇತಿಹಾಸಜ್ಞೆ ಹಾಗೂ ಲೇಖಕಿ ಸ್ವಪ್ನಾ ಲಿಡ್ಲೆ ತಿಳಿಸಿದ್ದಾರೆ.

ಬ್ರಿಟಿಷರ ಆಡಳಿತವಿದ್ದಾಗಲೇ ರಾಷ್ಟ್ರದ ರಾಜಧಾನಿಯಾಗಿ ಹೊಸದಿಲ್ಲಿ ಘೋಷಿಸಲ್ಪಟ್ಟಿತ್ತು. ಆಗ, ಸರ್‌ ಹರ್ಬರ್ಟ್‌ ಬೆಕರ್‌ ಎಂಬ ಬ್ರಿಟನ್‌ ವಾಸ್ತುಶಿಲ್ಪಿಯೊಂದಿಗೆ ಹೊಸದಿಲ್ಲಿ ಹಾಗೂ ಸಂಸತ್‌ ಭವನವನ್ನು ಕಟ್ಟುವ ಜವಾಬ್ದಾರಿ ಹೊತ್ತಿದ್ದ ಸರ್‌ ಎಡ್ವರ್ಡ್‌ ಲ್ಯೂಟೆÂನ್ಸ್‌ 1921ರಿಂದ 1927ರ ಅವಧಿಯಲ್ಲಿ ಇದೇ ಬಂಗಲೆಯಲ್ಲಿ ನೆಲೆಸಿದ್ದರು. ಮಾಜಿ ಪ್ರಧಾನಿ ಮನಮೋಹನ್‌ ಸಿಂಗ್‌ ಸಹಿತ ಅನೇಕ ಅತಿ ಗಣ್ಯ ವ್ಯಕ್ತಿಗಳು ಇದರಲ್ಲಿ ವಾಸ್ತವ್ಯ ಹೂಡಿದ್ದಾರೆ ಎಂದು ಲೇಖಕಿ ಸ್ವಪ್ನಾ ಲಿಡ್ಲೆ ತಿಳಿಸಿದ್ದಾರೆ.