Advertisement
ಟೆಸ್ಟ್‌ನಲ್ಲಿ ಪಾರಮ್ಯ ಮೆರೆದು ಮುನ್ನುಗ್ಗುತ್ತಿದ್ದ ವಿರಾಟ್‌ ಕೊಹ್ಲಿ ಪಡೆ ಪ್ರವಾಸಿ ಬೌಲರ್‌ಗಳ ದಾಳಿಗೆ ನಲುಗಿ ಹೋಯಿತು. ಬಿಗು ದಾಳಿ ನಡೆಸಿದ ಕೀಫೆ 6 ವಿಕೆಟ್‌ ಕಿತ್ತರು. ಸ್ಟಾರ್ಕ್‌ 2 ವಿಕೆಟ್‌, ಹ್ಯಾಜಲ್‌ವುಡ್‌, ಲಿಯೋನ್‌ ತಲಾ 1 ವಿಕೆಟ್‌ ಪಡೆದರು.
26 ರನ್ ಆಗುವಷ್ಟರಲ್ಲಿ ಆರಂಭಿಕ ಆಟಗಾರ 10 ರನ್‌ಗಳಿಸಿದ್ದ ಮುರಳಿ ವಿಜಯ್‌ ಔಟಾದರು. ಪೂಜಾರ 6 ರನ್‌ಗಳಿಸಿ ಪೆವಿಲಿಯನ್‌ಗೆ ಮರಳಿದರೆ. ನಾಯಕ ವಿರಾಟ್‌ ಕೊಹ್ಲಿ ಶೂನ್ಯಕ್ಕೆ ಔಟಾಗುವ ಮೂಲಕ ಭಾರೀ ನಿರಾಶರಾದರು. ಆರಂಭಿಕ ಆಟಗಾರ ಕೆ.ಎಲ್‌.ರಾಹುಲ್ 64 ಮತ್ತು ರೆಹಾನೆ 13 ರನ್ ಗಳಿಸಿದ್ದು ಗರಿಷ್ಠ ಸ್ಕೋರ್‌ ಆಗಿತ್ತು.
Related Articles
Advertisement
ಭಾರತದ ಪರ ಉಮೇಶ್‌ ಯಾದವ್‌ 4 , ಆರ್‌.ಅಶ್ವಿ‌ನ್‌ 3 ,ಜಡೇಜಾ 2 ಮತ್ತು ಜಯಂತ್‌ 1 ವಿಕೆಟ್‌ ಪಡೆದರು.
2 ನೇ ಇನ್ನಿಂಗ್ಸ್‌ ಆರಂಭಿಸಿದ ಆಸೀಸ್‌ ನ ಮೊದಲ ವಿಕೆಟ್‌ 10 ರನ್‌ಗೆ ಪತನವಾಯಿತು. 10 ರನ್‌ಗಳಿಸಿದ್ದ ವಾರ್ನರ್‌,ಮಾರ್ಶ್‌(0) ಅವರನ್ನು ಅಶ್ವಿ‌ನ್‌ ಎಲ್‌ಬಿ ಮೂಲಕ ಪೆವಿಲಿಯನ್‌ಗೆ ಅಟ್ಟಿದರು. ಹ್ಯಾಂಡ್ಸ್‌ಕೊಂಬ್‌ 19 ರನ್‌ಗಳಿಸಿ ಔಟಾದರೆ, ರೆನ್‌ಶಾ 31 ರನ್‌ಗಳಿಸಿ ಔಟಾದರು.
2 ನೇ ದಿನದಾಟದ ಅಂತ್ಯಕ್ಕೆ 4 ವಿಕೆಟ್‌ ನಷ್ಟಕ್ಕೆ 143 ರನ್‌ಗಳಿಸಿದೆ. ನಾಯಕ ಸ್ಮಿತ್‌ 59 ರನ್‌ಗಳಿಸಿ ತಾಳ್ಮೆಯ ಆಟವಾಡುತ್ತಿದ್ದಾರೆ.