Advertisement

ಆಸೀಸ್‌ 151ಕ್ಕೆ ಆಲೌಟ್‌; ಭಾರತ 54 ಕ್ಕೆ 5; 3 ನೇ ಟೆಸ್ಟ್‌ ಕುತೂಹಲ

10:48 AM Dec 28, 2018 | |

ಮೆಲ್ಬರ್ನ್: ಆಸೀಸ್‌ ವಿರುದ್ಧದ ಮೂರನೇ ಟೆಸ್ಟ್‌ ಪಂದ್ಯದ 2 ನೇ ದಿನದಾಟದಲ್ಲಿ 1ನೇ ಇನಿಂಗ್ಸನ್ನು  7 ವಿಕೆಟ್‌ ನಷ್ಟಕ್ಕೆ 443 ರನ್‌ಗಳಿಗೆ ಡಿಕ್ಲೇರ್‌  ಮಾಡಿಕೊಂಡಿದ್ದ ಕೊಹ್ಲಿ ಪಡೆ, ಶುಕ್ರವಾರ ಬಿಗಿ ದಾಳಿ ನಡೆಸುವ ಮೂಲಕ ಆಸೀಸನ್ನು ಕೇವಲ 151 ರನ್‌ಗಳಿಗೆ ನಿಯಂತ್ರಿಸಿತಾದರೂ 2 ನೇ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ ವೈಫ‌ಲ್ಯ ಅನುಭವಿಸಿ 54 ಕ್ಕೆ 5 ವಿಕೆಟ್‌ ಕಳೆದುಕೊಂಡಿದೆ. ಒಟ್ಟು 346 ರನ್‌ಗಳ ಮುನ್ನಡೆಯನ್ನು ಭಾರತ ತಂಡ ಸಾಧಿಸಿದೆ.

Advertisement

ಆಸೀಸ್‌ ಪರ  ಮಾರ್ಕಸ್‌ ಹ್ಯಾರಿಸ್‌ 22 , ಉಸ್ಮಾನ್‌ ಖ್ವಾಜಾ 21, ಶಾನ್‌ ಮಾರ್ಶ್‌ 19, ಟ್ರಾವಿಸ್‌ ಹೆಡ್‌ 20, ಟಿಮ್‌ ಪೇಯ್ನ 22, ಪ್ಯಾಟ್‌ ಕ್ಯುಮಿನ್ಸ್‌ 17 ರನ್‌ಗಳಿಸಿದೆ ಉಳಿದ ಆಟಗಾರರ್ಯಾರು ಒಂದಂಕಿ ದಾಟಲಿಲ್ಲ.

ಭಾರತದ ಪರ ಬಿಗಿ ದಾಳಿ ನಡೆಸಿದ ಜಸ್‌ಪ್ರೀತ್‌ ಬುಮ್ರಾ 33 ಕ್ಕೆ 6 ವಿಕೆಟ್‌ ಕಿತ್ತು ಗಮನ ಸೆಳೆದರು. ಜಡೇಜಾ 2 , ಇಶಾಂತ್‌ ಶರ್ಮಾ ಮತ್ತು ಶಮಿ ತಲಾ 1 ವಿಕೆಟ್‌ ಪಡೆದರು. 

2 ನೇ ಇನ್ನಿಂಗ್ಸ್‌ ಆರಂಭಿಸಿನ ಭಾರತ 54 ರನ್‌ಗಳಿಗೆ 4 ವಿಕೆಟ್‌ಗಳನ್ನು ಕಳೆದುಕೊಂಡಿದೆ.ಹನುಮ ವಿಹಾರಿ 13, ರೆಹಾನೆ 1 , ರೋಹಿತ್‌ ಶರ್ಮಾ 5 ರನ್‌ಗೆ ನಿರ್ಗಮಿಸಿದರೆ,ಚೇತೇಶ್ವರ ಪೂಜಾರ ಮತ್ತು ನಾಯಕ ಕೊಹ್ಲಿ ಶೂನ್ಯಕ್ಕೆ ಔಟಾಗುವ ಮೂಲಕ ತೀವ್ರ ನಿರಾಸೆ ಅನುಭವಿಸಿದರು.  28 ರನ್‌ಗಳಿಸಿರುವ ಮಾಯಾಂಕ್‌ ಅಗರ್‌ವಾಲ್‌ ಅವರು ಕ್ರಿಸ್‌ನಲ್ಲಿದ್ದಾರೆ. 

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next