ಠಾಣೆಯಲ್ಲಿ ಗಲಾಟೆ: ಮಾಜಿ ಶಿವಸೇನಾ ಸಂಸದ ಪ್ರದೀಪ್‌ ಜೈಸ್ವಾಲ್‌ ಬಂಧನ

ಔರಂಗಾಬಾದ್‌ : ಕಳೆದ ಮೇ 11ರಂದು ಇಲ್ಲಿ ನಡೆದಿದ್ದ ಗಲಭೆ, ದೊಂಬಿ, ಹಿಂಸಾತ್ಮಕ ಪ್ರತಿಭಟನೆಗೆ ಸಂಬಂಧಿಸಿ ಬಂಧಿಸಲ್ಪಟ್ಟಿದ್ದ ಕೆಲವರ ಬಿಡುಗಡೆಯನ್ನು ಆಗ್ರಹಿಸಿದ ಗುಂಪೊಂದರ ನೇತೃತ್ವ ವಹಿಸಿ ಕ್ರಾಂತಿ ಚೌಕ ಪೊಲೀಸ್‌ ಠಾಣೆಯಲ್ಲಿ ಧಾಂದಲೆ ಉಂಟು ಮಾಡಿದ ಶಿವಸೇನೆಯ ಮಾಜಿ ಸಂಸದ ಪ್ರದೀಪ್‌ ಜೈಸ್ವಾಲ್‌ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

ಜೈಸ್ವಾಲ್‌ ಅವರು 1996-98ರ ಅವಧಿಯಲ್ಲಿ ನಗರದಿಂದ ಲೋಕಸಭೆಗೆ ಆಯ್ಕೆಯಾದವರಾಗಿದ್ದು ನಗರದ ಪೌರಾಡಳಿತೆಯಲ್ಲಿ ಮೇಯರ್‌ ಕೂಡ ಆಗಿದ್ದರು. 

ಪ್ರಭಾರ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟರ್‌ ಎ ವಿ ಖಡಕಡ್‌ ಅವರು ಜೈಸ್ವಾಲ್‌ಗೆ ಜಾಮೀನು ನಿರಾಕರಿಸಿ ಅವರನ್ನು ಎರಡು ದಿನಗಳ ಅವಧಿಗೆ ನ್ಯಾಯಾಂಗ ಕಸ್ಟಡಿಗೆ ಒಪ್ಪಿಸಿದರು.