ಅಗಸ್ಟಾ ಮಧ್ಯವರ್ತಿ ಮೈಕಲ್‌ ಮತ್ತೆ ಐದು ದಿನ ಸಿಬಿಐ ಕಸ್ಟಡಿಗೆ

ಹೊಸದಿಲ್ಲಿ : ಅಗಸ್ಟಾ ವೆಸ್ಟ್‌ಲ್ಯಾಂಡ್‌ ವಿವಿಐಪಿ ಹೆಲಿಕಾಪ್ಟರ್‌ ಡೀಲ್‌ ಪ್ರಕರಣದ ಮಧ್ಯವರ್ತಿ ಕ್ರಿಶ್ಚಿಯನ್‌ ಮೈಕಲ್‌ ನನ್ನು ದಿಲ್ಲಿ ನ್ಯಾಯಾಲಯವೊಂದು  ಐದು ದಿನಗಳ ಸಿಬಿಐ ಕಸ್ಟಡಿಗೆ ಒಪ್ಪಿಸಿದ್ದು ಆ ಮೂಲಕ ಆತನ ಕಸ್ಟಡಿ ತನಿಖಾ ಅವಧಿಯನ್ನು ವಿಸ್ತರಿಸಿದೆ. 

ಈ ಮೊದಲಿನ ಐದು ದಿನಗಳ ಸಿಬಿಐ ರಿಮಾಂಡ್‌ ಅವಧಿ ಇಂದು ಮುಗಿದ ಹಿನ್ನೆಲೆಯಲ್ಲಿ ಮೈಕಲ್‌ ನನ್ನು ಸಿಬಿಐ ವಿಶೇಷ ನ್ಯಾಯಾಲಯದ ನ್ಯಾಯಾಧೀಶ ಅರವಿಂದ ಕುಮಾರ್‌ ಅವರ ಮುಂದೆ ಹಾಜರುಪಡಿಸಲಾಯಿತು. 

ಮೈಕಲ್‌ ತನಿಖೆಗೆ ಸಹಕರಿಸುತ್ತಿಲ್ಲವಾದ್ದರಿಂದ ಆತನನ್ನು ಇನ್ನೂ 9 ದಿನಗಳ ಕಸ್ಟಡಿಗೆ ಕೊಡಬೇಕೆಂದು ಸಿಬಿಐ ಕೋರಿತ್ತು. ಆದರೆ ನ್ಯಾಯಾಧೀಶರು ಆತನನ್ನು ಐದು ದಿನಗಳ ಕಸ್ಟಡಿಗೆ ಒಪ್ಪಿಸಿದರು.