August 1.75 ಲಕ್ಷ ಕೋಟಿ ರೂ. ಜಿಎಸ್‌ಟಿ ಸಂಗ್ರಹ: 10% ಹೆಚ್ಚಳ

ಹೊಸದಿಲ್ಲಿ: ಆಗಸ್ಟ್‌ ತಿಂಗಳಲ್ಲಿ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ಸಂಗ್ರಹವು ಶೇ.10ರಷ್ಟು ಏರಿಕೆಯಾಗಿದ್ದು, ಒಟ್ಟಾರೆ 1.75 ಲಕ್ಷ ಕೋಟಿ ರೂ. ಸಂಗ್ರಹವಾಗಿದೆ ಎಂದು ಸರಕಾರದ ದತ್ತಾಂಶ ತಿಳಿಸಿದೆ.

ಕಳೆದ ವರ್ಷದ ಆಗಸ್ಟ್‌ನಲ್ಲಿ ಜಿಎಸ್‌ಟಿ ಆದಾಯ 1.59 ಲಕ್ಷ ಕೋಟಿ ರೂ. ಆಗಿದ್ದರೆ, ಪ್ರಸಕ್ತ ವರ್ಷದ ಜುಲೈಯಲ್ಲಿ ಇದು 1.82 ಲಕ್ಷ ಕೋಟಿ ರೂ. ಆಗಿತ್ತು. ಈ ವರ್ಷ ಆಗಸ್ಟ್‌ನಲ್ಲಿ ದೇಶೀಯ ಜಿಎಸ್‌ಟಿ ಆದಾಯವು ಶೇ.9.2ರಷ್ಟು ಹೆಚ್ಚಳವಾಗಿ 1.25 ಲಕ್ಷ ಕೋಟಿ ರೂ. ಸಂಗ್ರಹವಾಗಿದೆ. ಇನ್ನು ಸರಕುಗಳ ಆಮದಿನಿಂದಾಗಿ ಬಂದ ಒಟ್ಟಾರೆ ಜಿಎಸ್‌ಟಿ ಆದಾಯವು ಶೇ.12.1ರಷ್ಟು ಏರಿಕೆಯಾಗಿ, 49,976 ಕೋಟಿ ರೂ. ಸಂಗ್ರಹವಾಗಿದೆ. 24,460 ಕೋಟಿ ರೂ.ಗಳ ರೀಫ‌ಂಡ್‌ ಆಗಿದೆ ಎಂದೂ ಸರಕಾರ ಮಾಹಿತಿ ನೀಡಿದೆ.