Kumbla ದೈಗೋಳಿ ಪಾತೂರು ಸೇವಾ ಸಹಕಾರಿ ಬ್ಯಾಂಕಿನಲ್ಲಿ ಕಳವಿಗೆ ಯತ್ನ

ಕುಂಬಳೆ: ಮಂಜೇಶ್ವರದ ಸೇವಾ ಸಹಕಾರಿ ಬ್ಯಾಂಕಿನಲ್ಲಿ ಶಾಖೆಯಲ್ಲಿ ಕಳವಿಗೆ ಯತ್ನ ನಡೆಸಿದ ಘಟನೆ ರವಿವಾರ ರಾತ್ರಿ ನಡೆದಿದೆ.

ವರ್ಕಾಡಿ ಗ್ರಾಮ ಪಂಚಾಯತ್‌ನ ದೈಗೋಳಿ ಪಾತೂರು ಸೇವಾ ಸಹಕಾರಿ ಬ್ಯಾಂಕ್‌ 2ನೇ ಮಹಡಿಯಲ್ಲಿ ಕಾರ್ಯಾಚರಿಸುತ್ತಿದೆ. ಕಳ್ಳರು ಕಬ್ಬಿಣದ ಸಲಾಕೆಯಲ್ಲಿ 1ನೇ ಮಹಡಿಯ ಶಟರ್‌ ಮುರಿದು ಒಳನುಸುಳಿ 2ನೇ ಮಹಡಿಗೆ ಏರಿ ಬ್ಯಾಂಕಿನ ಭದ್ರತ ಕೊಠಡಿಯನ್ನು ಒಡೆಯಲು ಯತ್ನಿಸಿದ್ದರು.

ಅದು ಕಳ್ಳರಿಗೆ ಸಾಧ್ಯವಾಗಿಲ್ಲ. ಮಂಜೇಶ್ವರ ಪೊಲೀಸರು ಸ್ಥಳಕ್ಕಾಗಮಿಸಿ ತನಿಖೆ ನಡೆಸಿದ್ದಾರೆ. ಬ್ಯಾಂಕಿನಲ್ಲಿದ್ದ ನಗ-ನಗದು ಭದ್ರವಾಗಿದೆ ಎಂದು ಬ್ಯಾಂಕಿನ ಕಾರ್ಯದರ್ಶಿ ತಿಳಿಸಿದ್ದಾರೆ.