ATP Rankings; ಸಿನ್ನರ್‌ಗೆ ವರ್ಷಾಂತ್ಯದ ನಂ.1 ರ್‍ಯಾಂಕ್‌ ಟ್ರೋಫಿ

ಟುರಿನ್‌ (ಇಟಲಿ): ಇಟಲಿಯ ಜಾನಿಕ್‌ ಸಿನ್ನರ್‌ ಅವರಿಗೆ 2024ನೇ ಸಾಲಿನ ವರ್ಷಾಂತ್ಯದ ನಂ.1 ರ್‍ಯಾಂಕ್‌ ಟ್ರೋಫಿಯನ್ನು ಪ್ರದಾನ ಮಾಡಲಾಯಿತು. ಅವರು ತವರಿನ ಅಭಿಮಾನಿಗಳ ಸಮ್ಮುಖದಲ್ಲೇ ಇದನ್ನು ಪಡೆದದ್ದು ವಿಶೇಷ.

“ಈ ಟ್ರೋಫಿಯ ಸಂಭ್ರಮಾಚರಣೆ ನಡೆಸಲು ಇದಕ್ಕಿಂತ ಉತ್ತಮ ಸ್ಥಳ ಬೇರೊಂದಿಲ್ಲ. ನಿಮ್ಮೆಲ್ಲರ ಬೆಂಬಲಕ್ಕೆ ಕೃತಜ್ಞತೆಗಳು’ ಎಂಬುದಾಗಿ ಜಾನಿಕ್‌ ಸಿನ್ನರ್‌ ಹೇಳಿದರು.

“ಜಾನಿಕ್‌ ಸಿನ್ನರ್‌ ಸುದೀರ್ಘ‌ ಅವಧಿಯ ತನಕ ಸೋಲಿಸಲಸಾಧ್ಯವಾದ ಟೆನಿಸಿಗನಾಗಿ ಉಳಿಯಲಿದ್ದಾರೆ’ ಎಂದು ಸಮಾರಂಭದಲ್ಲಿ ಹಾಜರಿದ್ದ ಮಾಜಿ ನಂ.1 ಆಟಗಾರ ಬೊರಿಸ್‌ ಬೆಕರ್‌ ಹೇಳಿದರು.

ಜಾನಿಕ್‌ ಸಿನ್ನರ್‌ 2024ರಲ್ಲಿ ಆಸ್ಟ್ರೇಲಿಯನ್‌ ಓಪನ್‌ ಮತ್ತು ಯುಎಸ್‌ ಓಪನ್‌ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದರು.