ಜನವರಿಯಿಂದ ಎಟಿಎಂ ವ್ಯವಹಾರ ಶುಲ್ಕ ಹೆಚ್ಚಳ

ಹೊಸದಿಲ್ಲಿ: ಮಾಸಿಕ 5 ವ್ಯವಹಾರಗಳ ಮಿತಿಯನ್ನು ದಾಟಿದ ಎಟಿಎಂ ಆಧಾರಿತ ನಗದು ಅಥವಾ ನಗದು ರಹಿತ ಪ್ರತೀ ವ್ಯವಹಾರದ ಮೇಲೆ 21 ರೂ. ಶುಲ್ಕ ವಿಧಿಸಲು ಆರ್‌ಬಿಐ ಒಪ್ಪಿಗೆ ನೀಡಿದೆ. ಈವರೆಗೆ ಮಿತಿ ದಾಟಿದ ಇಂಥ ಪ್ರತಿಯೊಂದು ವ್ಯವಹಾರಕ್ಕೂ 20 ರೂ. ಶುಲ್ಕ ವಿಧಿಸಲಾಗಿತ್ತು. 2022ರ ಜ. 1ರ ಇಂಥ ಮಿತಿ ಮೀರಿದ ಪ್ರತೀ ವ್ಯವಹಾರಕ್ಕೆ 21 ರೂ. ಶುಲ್ಕ ನೀಡಬೇಕಾಗುತ್ತದೆ.

ಮೆಟ್ರೋ ನಗರಗಳಲ್ಲಿರುವ ಅನ್ಯ ಬ್ಯಾಂಕ್‌ಗಳ ಎಟಿಎಂನಲ್ಲಿ ಮಾಸಿಕ ಗರಿಷ್ಠ 3 ಹಾಗೂ ನಾನ್‌–ಮೆಟ್ರೋ ನಗರಗಳಲ್ಲಿರುವ ಅನ್ಯ ಬ್ಯಾಂಕ್‌ನ ಎಟಿಎಂಗಳಲ್ಲಿ ಮಾಸಿಕ ಗರಿಷ್ಠ 5 ವ್ಯವಹಾರಗಳನ್ನು ನಡೆಸಬಹುದಾಗಿದೆ.

ಇಂಟರ್‌ಚೇಂಜ್‌ ಶುಲ್ಕ ಹೆಚ್ಚಳ

ಎಟಿಎಂನಲ್ಲಿ ಗ್ರಾಹಕರು ನಡೆಸುವ ಪ್ರತಿಯೊಂದು ಹಣದ ವ್ಯವಹಾರದ ಮೇಲೆ ವಿಧಿಸಲಾಗುವ ಇಂಟರ್‌ಚೇಂಜ್‌ ಶುಲ್ಕವನ್ನು 15 ರೂ.ಗಳಿಂದ 17 ರೂ.ಗಳಿಗೆ ಹೆಚ್ಚಿಸಲಾಗುತ್ತದೆ. ಈ ನಿಯಮ, ಇದೇ ವರ್ಷ ಆ. 1ರಿಂದ ಜಾರಿಗೊಳ್ಳುತ್ತದೆ. ನಗದು ರಹಿತವಾಗಿರುವ ಪ್ರತಿಯೊಂದು ವ್ಯವಹಾರದ ಮೇಲೆ ಇಂಟರ್‌ಚೇಂಜ್‌ ಶುಲ್ಕವನ್ನು 5 ರೂ.ಗಳಿಂದ 6 ರೂ.ಗಳಿಗೆ ಹೆಚ್ಚಿಸಲು ನಿರ್ಧರಿಸಲಾಗಿದೆ.

ಇಂದಿನ ಪಂಚಾಂಗ