ಕುಮಟಾ : ಎಟಿಎಂ ಧ್ವಂಸಗೈದರೂ ದರೋಡೆ ಯತ್ನ ವಿಫ‌ಲ !

ಕುಮಟಾ: ತಾಲೂಕಿನ ಬಾಡ ಸಮೀಪದ ಗುಡೇ ಅಂಗಡಿಯಲ್ಲಿ  ವಿಜಯಾಬ್ಯಾಂಕ್‌ ಎಟಿಎಂ ನ್ನು ಶನಿವಾರ ರಾತ್ರಿ ದರೋಡೆಕೋರರು ಧ್ವಂಸಗೈದು ಹಣ ದೋಚಲು ವಿಫ‌ಲ ಯತ್ನ ನಡೆಸಿದ್ದಾರೆ. 

ಕಾವಲುಗಾರ ಇಲ್ಲದ್ದನ್ನು ಗಮನಿಸಿ ಸಮಯ ಸಾಧಿಸಿದ ಕಳ್ಳರು ಎಟಿಎಂ ಒಡೆದು ಹಾಕಿ ಹಣದ ಚೇಂಬರ್‌ ಒಡೆಯಲು ಯತ್ನಿಸಿದ್ದಾರೆ. ಈ ವೇಳೆ ಯಾವುದೋ ವಾಹನ ಬಂದಿದ್ದು ಹಾರ್ನ್ ಕೇಳಿ ಸ್ಥಳದಿಂದ ಪರಾರಿಯಾಗಿದ್ದಾರೆ ಎನ್ನಲಾಗಿದೆ. 

ಸ್ಥಳಕ್ಕೆ ಕುಮಟಾ ಠಾಣೆಯ ಪೊಲೀಸು ಆಗಮಿಸಿ ಪರಿಶೀಲನೆ ನಡೆಸಿದ್ದು, ಸಿಸಿಟಿವಿ ದೃಶ್ಯಾವಳಿಗಳ ಪರಿಶೀಲನೆ ನಡೆಸಲಾಗುತ್ತಿದೆ.