ಜಮ್ಮು ಕಾಶ್ಮೀರ: ಬಸ್ಸು ಪ್ರಪಾತಕ್ಕೆ ಬಿದ್ದು 31  ಮಂದಿ ದುರ್ಮರಣ

ಶ್ರಿನಗರ: ಜಮ್ಮು ಕಾಶ್ಮೀರದ ಕಿಶ್ತ್ವಾರ್ ಜಿಲ್ಲೆಯ ಕೇಶ್ವಾನ್ ನಲ್ಲಿ ಮಿನಿ ಬಸ್ಸೊಂದು ಪ್ರಪಾತಕ್ಕೆ ಬಿದ್ದು 31 ಮಂದಿ ಮೃತಪಟ್ಟು ಏಳು ಜನ ಗಾಯಗೊಂಡ ದಾರುಣ ಘಟನೆ ಸೋಮವಾರ ಬೆಳಗ್ಗೆ ನಡೆದಿದೆ.

ಕೇಶ್ವಾನ್ ನಿಂದ ಕಿಶ್ವತ್ತಾರ್ ಗೆ ಸಾಗುತ್ತಿದ್ದ ಮಿನಿ ಬಸ್ ಕಿ.ಮೀ ದೂರದಲ್ಲಿ ಕಡಿದಾದ ತಿರುವಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿ 250 ಅಡಿಯ ಪ್ರಪಾತಕ್ಕೆ ಬಿದ್ದಿದೆ ಎಂದು ವರದಿಯಾಗಿದೆ.

ಮಾಹಿತಿ ತಿಳಿದ ತಕ್ಷಣ ಎಸ್ ಡಿಆರ್ ಎಫ್, ಸ್ಥಳೀಯ ಪೊಲೀಸರು, ರೆಡ್ ಕ್ರಾಸ್ ಸೊಸೈಟಿ ಮತ್ತು ಸ್ಥಳೀಯರು ರಕ್ಷಣಾ ಕಾರ್ಯದಲ್ಲಿ ತೊಡಗಿದ್ದಾರೆ.