ಇನ್‌ಸ್ಟಾಗ್ರಾಮ್‌: ಕೊಹ್ಲಿ  ಭರ್ಜರಿ ಗಳಿಕೆ

ಮುಂಬಯಿ: ಸಾಮಾಜಿಕ ಜಾಲತಾಣಗಳು ಈಗ ಆದಾಯ ತರಬಲ್ಲ ಮಾಧ್ಯಮವೂ ಹೌದು. ಅದಕ್ಕೆ ನೂತನ ಸಾಕ್ಷಿ ಭಾರತೀಯ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ. ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಒಂದು ಜಾಹೀರಾತನ್ನು ಪೋಸ್ಟ್‌ ಮಾಡಿದರೆ ಅದರಿಂದ 82.45 ಲಕ್ಷ ರೂ. ಗಳಿಸುತ್ತಾರೆ. ಇಂತಹ ಶ್ರೀಮಂತರ ಪೈಕಿ ಅವರು ವಿಶ್ವದಲ್ಲೇ 9ನೇ ಸ್ಥಾನದಲ್ಲಿದ್ದಾರೆ. ಕ್ರೀಡಾಪಟುಗಳ ಪೈಕಿ ಕ್ರಿಸ್ಟಿಯಾನೊ ರೊನಾಲ್ಡೊ 5 ಕೋಟಿ ರೂ. ಗಳಿಸುವ ಮೂಲಕ ಅಗ್ರಸ್ಥಾನದಲ್ಲಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ 2.32 ಕೋಟಿ ಹಿಂಬಾಲಕರನ್ನು ಹೊಂದಿರುವ ಕೊಹ್ಲಿ, ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಏಕೈಕ ಭಾರತೀಯ ಕ್ರೀಡಾಪಟು ಎನ್ನುವುದು ಗಮನಾರ್ಹ.