ವಿಧಾನಸಭೆ ಅಧಿವೇಶನ ಅಧಿಸೂಚನೆ ಪ್ರಕಟ

ಬೆಂಗಳೂರು: ರಾಜ್ಯ ವಿಧಾನಮಂಡಲದ 15ನೇ ವಿಧಾನಸಭೆಯ ನಾಲ್ಕನೇ ಅಧಿವೇಶನ ಜುಲೈ 12 ರಿಂದ 26 ರವರೆಗೆ ನಡೆಯಲಿದೆ. ಮೊದಲ ದಿನ ಮಧ್ಯಾಹ್ನ 12.30ಕ್ಕೆ ವಿಧಾನಸೌಧದಲ್ಲಿ ನಡೆಯಲಿದೆ ಎಂದು ವಿಧಾನಸಭಾ ಕಾರ್ಯದರ್ಶಿ ಎಂ.ಕೆ. ವಿಶಾಲಾಕ್ಷಿ ಅಧಿಕೃತ ಅಧಿಸೂಚನೆ ಹೊರಡಿಸಿದ್ದಾರೆ. ಜುಲೈ 12 ಶುಕ್ರವಾರ ಕಾರ್ಯಕಲಾಪ ಆರಂಭವಾಗಲಿದೆ.

ಜು.13, 14 ರಂದು ಸಾರ್ವತ್ರಿಕ ರಜೆ ಇರುತ್ತದೆ. 15 ರಿಂದ ಮೂರು ದಿನ ಸರ್ಕಾರಿ ಕಾರ್ಯ ಕಲಾಪ ನಡೆಯಲಿದೆ. 18 ಮತ್ತು 25 ರಂದು ಸರ್ಕಾರಿ-ಖಾಸಗಿ ಕಾರ್ಯಕಲಾಪಗಳು ನಡೆಯಲಿವೆ. 20,21 ರಂದು ರಜೆಯಿಂದ ಕಲಾಪಗಳು ನಡೆಯುವುದಿಲ್ಲ. 22 ರಿಂದ 26 ರ ವರೆಗೆ ಸರ್ಕಾರಿ ಕಾರ್ಯ ಕಲಾಪಗಳು ನಡೆಯಲಿವೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.