ಅಧಿಕಾರಕ್ಕೆ ಬಂದ 24 ಗಂಟೆಯಲ್ಲಿ ಸಾಲ ಮನ್ನಾ: ಎಚ್‌ಡಿಕೆ

ಸಂಡೂರು: ಅಧಿಕಾರ ಪಡೆದ 24 ಗಂಟೆಗಳಲ್ಲಿ ರೈತರ ಎಲ್ಲಾ ಸಾಲಾ ಮನ್ನಾ ಮಾಡುತ್ತೇನೆ. ಇದು ಬರೀ ಪ್ರಚಾರವಲ್ಲ, ನಿಜವಾದ ರೈತ ಪರ ಕಾಳಜಿ ಎಂದು ಜೆಡಿಎಸ್‌ ರಾಜ್ಯಾಧ್ಯಕ್ಷ ಎಚ್‌.ಡಿ.ಕುಮಾರಸ್ವಾಮಿ ಭರವಸೆ ನೀಡಿದರು.

ಬಳ್ಳಾರಿ ಜಿಲ್ಲೆ ಸಂಡೂರು ತಾಲೂಕಿನ ಬೊಮ್ಮಘಟ್ಟದಲ್ಲಿ ಮಾತನಾಡಿದ ಅವರು,  ಈ ಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಎಸ್‌ ಅಧಿಕಾರಕ್ಕೆ ಬರುತ್ತಿದ್ದಂತೆ 10 ಲಕ್ಷ ರೈತ ಕುಟುಂಬಗಳಿಗೆ 25 ವರ್ಷ 5000 ರೂ. ವೇತನ ನೀಡುವ ಯೋಜನೆ ರೂಪಿಸಲಾಗುವುದು. ಇದಲ್ಲದೆ ಸಸಿ ನೆಡುವಂತಹ ಯೋಜನೆ, ಅಂಗವಿಕಲರಿಗೆ 2000 ಸಾವಿರ ರೂ., ಗರ್ಭಿಣಿಯರಿಗೆ 3000 ರೂ. 6 ತಿಂಗಳ ಕಾಲ ಭತ್ಯೆ  ಸೇರಿದಂತೆ  ಹಲವಾರು ಯೋಜನೆ ರೂಪಿಸಲಾಗಿದೆ. ಒಂದು ಬಾರಿ ಅವಕಾಶ ಕೊಡಿ ಸ್ವಾವಲಂಬಿ, ಸ್ವಾಭಿಮಾನದ ರೈತರನ್ನಾಗಿ, ಯುವಕರನ್ನು ಸಿದ್ಧಪಡಿಸತ್ತೇನೆ ಎಂದು ಭರವಸೆ ನೀಡಿದರು.