590 ಕಿಲೋ ಗಾಂಜಾ ಪತ್ತೆ : ಅಸ್ಸಾಂ ಪೊಲೀಸರ ಟ್ವೀಟ್‌ ವೈರಲ್‌

ಗುವಾಹಟಿ : ಅಸ್ಸಾಂ ನ ಧುಬ್ರಿ ಜಿಲ್ಲೆಯಲ್ಲಿ ಟ್ರಕ್‌ ಸಹಿತ 590 ಕಿಲೋ ಗಾಂಜಾ ವಶಪಡಿಸಿಕೊಂಡ ಅಸ್ಸಾಂ ಪೊಲೀಸರು ಈ ವಿಷಯವನ್ನು ಸಾರ್ವಜನಿಕರಿಗೆ ಟ್ವಿಟರ್‌ ನಲ್ಲಿ ತಿಳಿಸುವುದಕ್ಕೆ ಅನುಸರಿಸಿರುವ ವ್ಯಂಗ್ಯಭರಿತ ಶೈಲಿ ಈಗ ವೈರಲ್‌ ಆಗಿದೆ.

‘ನಿನ್ನೆ ಮಂಗಳವಾರ ರಾತ್ರಿ ಯಾರಾದರೂ ಛಾಗೋಲಿಯಾ ಚೆಕ್‌ ಪಾಯಿಂಟ್‌ ಸುತ್ತಮುತ್ತಲಲ್ಲಿ ಭಾರೀ ದೊಡ್ಡ ಬೆಲೆಯ (590 ಕಿಲೋ) ಗಾಂಜಾ ಮತ್ತು ಟ್ರಕ್‌ ಕಳೆದುಕೊಂಡಿದ್ದೀರಾ ? ಚಿಂತೆ ಮಾಡಬೇಡಿ, ನಾವದನ್ನು ಪತ್ತೆ ಮಾಡಿದ್ದೇವೆ’ ಎಂದು ಅಸ್ಸಾಂ ಪೊಲೀಸರು ನಗುಮೊಗದ ಎಮೋಜಿ ಸಹಿತವಾಗಿ ಟ್ವೀಟ್‌ ಮಾಡಿದ್ದಾರೆ.

ಟ್ವಿಟರ್‌ ಬಳಕೆದಾರರು ಅಸ್ಸಾಂ ಪೊಲೀಸರ ಈ ನಗೆಚಟಾಕಿ ಶೈಲಿಯ ಟ್ವೀಟನ್ನು ಮೆಚ್ಚಿಕೊಂಡಿದ್ದಾರೆ.