ಪೌರತ್ವ ಮಸೂದೆ ವಿರುದ್ಧ ಮತ: ರಾಹುಲ್‌ಗೆ ಅಸ್ಸಾಂ ಕಾಂಗ್ರೆಸ್‌ ಆಗ್ರಹ

ಗುವಾಹಟಿ : ರಾಜ್ಯಸಭೆಯಲ್ಲಿ ಜಿದ್ದಾಜಿದ್ದಿಯ ಪೌರತ್ವ ಮಸೂದೆ ಮತಕ್ಕೆ ಬಂದಾಗ ಕಾಂಗ್ರೆಸ್‌ ಪಕ್ಷ ಅದರ ವಿರುದ್ಧ ಮತ ಹಾಕುವಂತೆ ನೋಡಿಕೊಳ್ಳಬೇಕು ಎಂದು ಅಸ್ಸಾಂ ಕಾಂಗ್ರೆಸ್‌, ಪಕ್ಷಾಧ್ಯಕ್ಷ ರಾಹುಲ್‌ ಗಾಂಧಿಯನ್ನು ಆಗ್ರಹಿಸಿದೆ.

‘ಲೋಕಸಭೆಯಲ್ಲಿ ಕಳೆದ ಜನವರಿ 8ರಂದು ಈ ಮಸೂದೆ ಪಾಸಾಗುವ ಮುನ್ನವೇ ಕಾಂಗ್ರೆಸ್‌ ಸಂಸದರು ಹೊರನಡೆದಿದ್ದರು. ಬಹುಷಃ ಇದು ಬಿಜೆಪಿಗೆ ಅನುಕೂಲ ಮಾಡಿಕೊಡುವ ಒಳ ಒಪ್ಪಂದ ಇದ್ದೀತು’ ಎಂದು ಅಸ್ಸಾಂ ಕಾಂಗ್ರೆಸ್‌, ರಾಹುಲ್‌ ಗಾಂಧಿಗೆ ಬರೆದಿರುವ ಪತ್ರದಲ್ಲಿ ತನ್ನ ಅಸಮಾಧಾನವನ್ನು ವ್ಯಕ್ತಪಡಿಸಿದೆ.