ಏಶ್ಯನ್‌ ಪ್ಯಾರಾ ಗೇಮ್ಸ್‌: ಭಾರತಕ್ಕೆ ಮೂರು ಸ್ವರ್ಣ

ಜಕಾರ್ತಾ: ಇಂಡೋನೇಶ್ಯದ ಜಕಾರ್ತಾದಲ್ಲಿ ನಡೆಯುತ್ತಿರುವ ಏಶ್ಯನ್‌ ಪ್ಯಾರಾ ಗೇಮ್ಸ್‌ನ ನಾಲ್ಕನೇ ದಿನ ಭಾರತ 3 ಚಿನ್ನ, 3 ಬೆಳ್ಳಿ ಹಾಗೂ 5 ಕಂಚಿನ ಪದಕಗಳನ್ನು ಸಂಪಾದಿಸಿ ಸಂಭ್ರಮಿಸಿದೆ. ಮಂಗಳವಾರ ನಡೆದ ವನಿತಾ ಕ್ಲಬ್‌ ತ್ರೊ ವಿಭಾಗದಲ್ಲಿ ಏಕ್ತಾ ಭ್ಯಾನ್‌ 4ನೇ ಪ್ರಯತ್ನದಲ್ಲಿ 16.02 ಮೀ. ದೂರ ಎಸೆಯುವ ಮೂಲಕ ಚಿನ್ನದ ಪದಕ ಜಯಿಸಿದರು. 15.75 ಮೀ. ದೂರ ಎಸೆದ ಯುಎಇಯ ಅಲ್ಕಾಬಿ ಥೆಕ್ರಾ ಬೆಳ್ಳಿ ಪದಕ ಗೆದ್ದರು. 

ವರ್ಷದ ಆರಂಭದಲ್ಲಿ ನಡೆದ ಇಂಡಿಯನ್‌ ಓಪನ್‌ ಪ್ಯಾರಾ ಆ್ಯತ್ಲೆಟಿಕ್ಸ್‌ನಲ್ಲಿ ಚಿನ್ನ ಗೆಲ್ಲುವ ಮೂಲಕ ಏಕ್ತಾ ಏಶ್ಯನ್‌ ಪ್ಯಾರಾ ಗೇಮ್ಸ್‌ಗೆ ಆಯ್ಕೆಯಾಗಿದ್ದರು. ಪುರುಷರ 10 ಮೀ. ಏರ್‌ ಪಿಸ್ತೂಲ್‌ ವಿಭಾಗದಲ್ಲಿ ಮನೀಷ್‌ ನರ್ವಾಲ್‌ ಚಿನ್ನದ ಪದಕ ಸಂಪಾದಿಸಿದರು. ಪುರುಷರ 100ಮೀ. ವಿಭಾಗದಲ್ಲಿ ನಾರಾಯಣ ಥಾಕೂರ್‌ ಚಿನ್ನ ಜಯಿಸಿದರು. 

3 ರಜತ ಪದಕ
ಪುರುಷರ ಡಿಸ್ಕಸ್‌ ತ್ರೋ ವಿಭಾಗದಲ್ಲಿ ಸುರೇಂದ್ರನ್‌ ಪಿಳ್ಳಿ ಅನೀಷ್‌ ಕುಮಾರ್‌ ಹಾಗೂ ಪುರುಷರ ಹೈಜಂಪ್‌ ವಿಭಾಗ ದಲ್ಲಿ ರಾಮ್‌ ಪಾಲ್‌ ಬೆಳ್ಳಿ ಪದಕ ಗೆದ್ದು ಸಂಭ್ರಮಿಸಿದರೆ ಶಾಟ್‌ಪುಟ್‌ನಲ್ಲಿ ವೀರೇಂದ್ರ ಬೆಳ್ಳಿ ಗೆದ್ದುಕೊಂಡಿದ್ದಾರೆ.

ಪ್ಯಾರಾ ಆ್ಯತ್ಲಿ ಟ್ಸ್‌ಗಳ ಕಂಚಿನ ಸಾಧನೆ
ಭಾರತದ ಪ್ಯಾರಾ ಆ್ಯತ್ಲೀಟ್‌ಗಳಾದ ಜಯಂತಿ ಬೆಹೆರಾ, ಆನಂದನ್‌ ಗುಣಶೇಖರನ್‌ ಹಾಗೂ ಮೊನು ಘಾಂಗಾಸ್‌ ಕಂಚಿನ ಪದಕ ಜಯಿಸಿದರು. ಪುರು ಷರ ಶಾಟ್‌ ಪುಟ್‌ ವಿಭಾಗದಲ್ಲಿ  ಮೊನು ಘಾಂಗಾಸ್‌ 3ನೇ ಸ್ಥಾನ ಪಡೆದು ಕಂಚಿನ ಪದಕ ಗೆದ್ದರು.  ಒಟ್ಟಾರೆ 6 ಚಿನ್ನ, 9 ಬೆಳ್ಳಿ ಹಾಗೂ 13 ಕಂಚಿನ ಪದಕಗಳೊಂದಿಗೆ 28 ಪದಕ ಗೆದ್ದಿರುವ ಭಾರತ 8ನೇ ಸ್ಥಾನದಲ್ಲಿದೆ.