ನೀನಾಗೆ ಒಲಿಯಿತು ಬೆಳ್ಳಿ ಪದಕ

ಜಕಾರ್ತಾ: ಏಶ್ಯಾಡ್‌ ಆ್ಯತ್ಲೆಟಿಕ್ಸ್‌ ವಿಭಾಗದಲ್ಲಿ ನೀನಾ ವರಕಿಲ್‌ ಭಾರತಕ್ಕೆ ಬೆಳ್ಳಿ ಪದಕದ ಕಾಣಿಕೆ ನೀಡಿದ್ದಾರೆ. ಸೋಮವಾರ ನಡೆದ ವನಿತೆಯರ ಲಾಂಗ್‌ಜಂಪ್‌ ಫೈನಲ್‌ನಲ್ಲಿ ನೀನಾ ಎರಡನೇ ಸ್ಥಾನ ಪಡೆಯುವ ಮೂಲಕ ಬೆಳ್ಳಿಗೆ ಕೊರಳೊಡ್ಡಿದರು. 4ನೇ ಪ್ರಯತ್ನದಲ್ಲಿ 6.51 ಮೀ. ದೂರ ಜಿಗಿದ ನೀನಾ ಬೆಳ್ಳಿ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದರು. 6.66ಮೀ. ದೂರದ ಜೀವನಶ್ರೇಷ್ಠ ಸಾಧನೆಗೈದಿದ್ದ ನೀನಾ ವರಕಿಲ್‌ ಇದೇ ಪ್ರದರ್ಶನ ನೀಡಿದ್ದರೆ ಚಿನ್ನದ ಪದಕ ಗೆಲ್ಲಬಹುದಾಗಿತ್ತು. 

ವಿಯೆಟ್ನಾಂನ ತಿ ತು ತಾವೋ ಬುಯಿ 6.55 ಮೀ. ದೂರದ ಸಾಧನೆಯೊಂದಿಗೆ ಚಿನ್ನ, ಚೀನದ ಕ್ಸಿಯಾವೋ ಲಿಂಗ್‌ ಕೊÕ  6.50ಮೀ. ದೂರ ಜಿಗಿದು ಕಂಚಿನ ಪದಕ ಪಡೆದರು. ಇದೇ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಭಾರತದ ನಯನಾ ಜೇಮ್ಸ್‌ ಕಳಪೆ ಪ್ರದರ್ಶನ ನೀಡಿ 10ನೇ ಸ್ಥಾನ ಪಡೆದರು.