Advertisement
ಫಿಫಾ ಕಣ್ಗಾವಲಿನಲ್ಲಿ ಅಕ್ಟೋಬರ್‌ 8ರಿಂದ 16ರ ತನಕ ಬೀಜಿಂಗ್‌ನಲ್ಲಿ ಈ ಸರಣಿ ನಡೆಯಲಿದೆ. 97ನೇ ರ್‍ಯಾಂಕಿಂಗ್‌ನ ಭಾರತ ಹಾಗೂ 75ನೇ ರ್‍ಯಾಂಕಿಂಗ್‌ನ ಚೀನ ನಡುವಿನ ಈ ಸರಣಿಯ ಪಂದ್ಯಗಳ ಸಂಖ್ಯೆ ಹಾಗೂ ದಿನಾಂಕವನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುವುದು ಎಂದು ಎಐಎಫ್ಎಫ್ ತನ್ನ ತಿಳಿಸಿದೆ.
“ಚೀನ ಪ್ರವಾಸ ಎನ್ನುವುದು ಭಾರತದ ಪಾಲಿಗೆ ನಿಜಕ್ಕೂ ಐತಿಹಾಸಿಕ. ಚೀನ ಮತ್ತು ಭಾರತದ ಫ‌ುಟ್‌ಬಾಲ್‌ ವಿಶ್ವ ಮಟ್ಟದಲ್ಲೀಗ ತ್ವರಿತ ಗತಿಯಲ್ಲಿ ಅಭಿವೃದ್ಧಿ ಕಾಣುತ್ತಿದೆ. ಚೈನೀಸ್‌ ಫ‌ುಟ್‌ಬಾಲ್‌ ಅಸೋಸಿಯೇಶನ್‌ ಜತೆ ಕಳೆದೊಂದು ತಿಂಗಳಿಂದ ನಾವು ನಡೆಸುತ್ತ ಬಂದ ಮಾತುಕತೆ ಯಶಸ್ವಿಯಾ ಗಿದೆ. ನಮ್ಮ ಮಾರುಕಟ್ಟೆ ಪಾಲುದಾರ ಎಫ್ಎಸ್‌ಡಿಎಲ್‌ಗೆ ಈ ಸಂದರ್ಭದಲ್ಲಿ ಕೃತಜ್ಞತೆಗಳು…’ ಎಂಬುದಾಗಿ ಎಐಎಫ್ಎಫ್ ಪ್ರಧಾನ ಕಾರ್ಯದರ್ಶಿ ಕುಶಲ್‌ ದಾಸ್‌ ಹೇಳಿದ್ದಾರೆ.