Advertisement
ಮೊದಲ ಕ್ವಾರ್ಟರ್ನಲ್ಲೇ ಭಾರತ ಬರೋಬ್ಬರಿ 6 ಪೆನಾಲ್ಟಿ ಕಾರ್ನರ್ ಅವಕಾಶ ಪಡೆಯಿತು. ಆದರೆ ಒಂದನ್ನೂ ಗೋಲಾಗಿಸುವಲ್ಲಿ ಯಶಸ್ವಿಯಾಗಲಿಲ್ಲ. ದ್ವಿತೀಯ ಕ್ವಾರ್ಟರ್ನಲ್ಲಿ ಬೆನ್ನು ಬೆನ್ನಿಗೆ ಗೋಲು ಗಳಿಕೆಯ ಚಾನ್ಸ್ ಸಿಕ್ಕಿತಾದರೂ ಇಲ್ಲಿಯೂ ಯಶಸ್ಸು ಕೈಹಿಡಿಯಲಿಲ್ಲ. ಆದರೆ ಜಪಾನ್ ಅವಕಾಶವನ್ನು ವ್ಯರ್ಥಗೊಳಿಸಲಿಲ್ಲ. 28ನೇ ನಿಮಿಷದಲ್ಲಿ ನಗಯೋಶಿ ಪೆನಾಲ್ಟಿ ಕಾರ್ನರ್ ಮೂಲಕ ಗೋಲೊಂದನ್ನು ಬಾರಿಸಿ ಜಪಾನ್ ಪಾಳೆಯದಲ್ಲಿ ನಗು ಹೊಮ್ಮಿಸಿದರು.
ಹಾಲಿ ಚಾಂಪಿಯನ್ ದಕ್ಷಿಣ ಕೊರಿಯಾ ಮತ್ತು ಪಾಕಿಸ್ಥಾನ ನಡುವಿನ ದಿನದ ಮೊದಲ ಪಂದ್ಯ ಕೂಡ 1-1ರಿಂದ ಡ್ರಾ ಆಯಿತು. ಪಾಕಿಸ್ಥಾನ ಮೊದಲ ಮುಖಾಮುಖೀಯಲ್ಲಿ ಮಲೇಷ್ಯಾಕ್ಕೆ 1-3ರಿಂದ ಸೋತಿತ್ತು. ಕೊರಿಯಾ ತನ್ನ ಮೊದಲ ಪಂದ್ಯದಲ್ಲಿ ಜಪಾನ್ಗೆ 2-1 ಅಂತರದ ಸೋಲುಣಿಸಿತ್ತು.
Related Articles
Advertisement
ಮಲೇಷ್ಯಾ ಪರಾಕ್ರಮಮೊದಲ ಪಂದ್ಯದಲ್ಲಿ ಪಾಕಿಸ್ಥಾನವನ್ನು ಮಣಿಸಿದ ಮಲೇಷ್ಯಾ, ಶುಕ್ರವಾರದ ಮುಖಾಮುಖಿಯಲ್ಲಿ ಚೀನದ ಮೇಲೆ ಸವಾರಿ ಮಾಡಿ 5-1 ಗೋಲುಗಳ ಜಯಭೇರಿ ಮೊಳಗಿಸಿತು. ಚೀನ ಎರಡೂ ಪಂದ್ಯಗಳನ್ನು ಸೋತಿತು.