ಟೀ, ತಿಂಡಿಗೆ ಕೇಜ್ರಿ ಕಚೇರಿ 1.03 ಕೋಟಿ ವ್ಯಯ

ನೈನಿತಾಲ್‌: ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್‌ ಕಚೇರಿ 3 ವರ್ಷಗಳ ಅಧಿಕಾರಾವಧಿಯಲ್ಲಿ ಟೀ, ಕುರುಕಲು ತಿಂಡಿಗಾಗಿ 1.03 ಕೋಟಿ ರೂ. ವ್ಯಯಿಸಿದೆ ಎಂಬ ಮಾಹಿತಿಯನ್ನು ಹಲ್ವಾನಿ ಮೂಲದ ಮಾಹಿತಿ ಹಕ್ಕು ಕಾರ್ಯಕರ್ತರೊಬ್ಬರು  ಹೊರಗೆಡವಿದ್ದಾರೆ. ಆರ್‌ಟಿಐ ಕಾರ್ಯಕರ್ತರಾದ ಹೇಮಂತ್‌ ಸಿಂಗ್‌ ಗೌನಿಯ ಫೆಬ್ರವರಿ ತಿಂಗಳಲ್ಲಿ ಆರ್‌ಟಿಐ ಅಡಿ ಈ ಕುರಿತು ಪ್ರಶ್ನಿಸಿದ್ದರು. 

2015-16ರ ಸಾಲಿನಲ್ಲಿ ಕೇಜ್ರಿವಾಲ್‌ ಕಚೇರಿ ಟೀ, ತಿಂಡಿಗೆ 23.12 ಲಕ್ಷ ವ್ಯಯಿಸಿತ್ತು. 2016-17ನೇ ಸಾಲಿನಲ್ಲಿ 46.45 ಲಕ್ಷ, 2017-18ರಲ್ಲಿ 33.36 ಲಕ್ಷ ವ್ಯಯಿಸಿತ್ತು. ಜೊತೆಗೆ ಸರ್ಕಾರದ ಕಾರ್ಯದರ್ಶಿ ಕಚೇರಿ 22.42 ಲಕ್ಷ ರೂ., ಗೃಹ ಕಚೇರಿ 24.86 ಲಕ್ಷ ರೂ. ಟೀ, ತಿಂಡಿಗಾಗಿ ಖರ್ಚು ಮಾಡಿವೆ ಎಂಬ ಮಾಹಿತಿಯೂ ಸಿಕ್ಕಿದೆ.