ಅರುಣಾಚಲದಲ್ಲಿ ಹಿಮ ವರ್ಷ:650 ಪ್ರವಾಸಿಗರ ರಕ್ಷಿಸಿದ ಸೇನೆ

ಇಟಾನಗರ:  ಅರುಣಾಚಲದ ಇಂಡೋ- ಟಿಬೆಟಿಯನ್‌ ಗಡಿಯಲ್ಲಿನ ಸೇಲಾ ಪಾಸ್‌ನಲ್ಲಿ ಭಾರೀ ಹಿಮವರ್ಷಕ್ಕೆ ಸಿಲುಕಿ ಅತಂತ್ರರಾಗಿದ್ದ 650 ಮಂದಿ ಪ್ರವಾಸಿಗರನ್ನು ಭಾರತೀಯ ಸೇನೆ ಸೋಮವಾರ ರಾತ್ರಿ ರಕ್ಷಿಸಿದೆ. 

ಈ ಪೈಕಿ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ 18 ತಿಂಗಳ ಶಿಶು ಹಾಗೂ ರಕ್ತದೊತ್ತಡ 250 ಮೀರಿದ್ದ 70ರ ವೃದ್ಧೆಯೂ ಸೇರಿದ್ದಾರೆ. ಸೋಮವಾರ ಮಧ್ಯಾಹ್ನದಿಂದ ಭಾರೀ ಹಾಗೂ ಅನಿರೀಕ್ಷಿತ ಹಿಮ ವರ್ಷ ಆರಂಭವಾಗಿತ್ತು. ವಿಚಾರ ತಿಳಿಯುತ್ತಿದ್ದಂತೆ ಬೈಸಾಕಿ ಸೇನಾನೆಲೆಯಿಂದ ಸೇನೆಯ 2 ತಂಡಗಳು ಸ್ಥಳಕ್ಕೆ ಧಾವಿಸಿದವು. ಶೂನ್ಯಕ್ಕಿಂತ ಕೆಳಮಟ್ಟದ ತಾಪಮಾನದಲ್ಲಿ ರಾತ್ರಿಯಿಡೀ 7 ಗಂಟೆಗಳ ನಿರಂತರ ಕಾರ್ಯಾಚರಣೆ ನಡೆಸಿ, 650 ಪ್ರವಾಸಿಗರನ್ನು ರಕ್ಷಿಸುವಲ್ಲಿ ಈ ತಂಡ ಯಶಸ್ವಿಯಾದವು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.