ಮನ್ನಾ ಮಾಡಿಲ್ಲ: ಜೇಟ್ಲಿ

ನವದೆಹಲಿ: ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿದ್ದ ಕಾರ್ಪೊರೇಟ್‌ ಸಂಸ್ಥೆಗಳ ಕೋಟ್ಯಂತರ ರೂ. ಸಾಲವನ್ನು ಮನ್ನಾ ಮಾಡಲಾಗಿಲ್ಲ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್‌ ಜೇಟ್ಲಿ ಮತ್ತೂಮ್ಮೆ ಸ್ಪಷ್ಟಪಡಿಸಿದ್ದಾರೆ. ಬ್ಯಾಂಕುಗಳಲ್ಲಿನ ಉದ್ಯಮಿಗಳ ಸಾಲ ಮನ್ನಾ ಮಾಡಲಾಗಿದೆ ಎಂಬ ಆರೋಪಗಳಿಗೆ ಉತ್ತರಿಸಿದ ಅವರು, ಬ್ಯಾಂಕುಗಳ ವ್ಯವಹಾರಗಳ ಸರಳೀಕರಣಕ್ಕಾಗಿ ಆಯಾ ಬ್ಯಾಂಕುಗಳಲ್ಲಿದ್ದ, ಉದ್ದೇಶಪೂರ್ವಕ ಸುಸ್ತಿದಾರರೆಂದು ಸಾಬೀತಾದ ಉದ್ಯಮಿಗಳ ಸಾಲದ ಲೆಕ್ಕಪತ್ರಗಳುಳ್ಳ ಕಡತಗಳನ್ನು ಮುಚ್ಚಲಾಗಿದೆ. ಹಾಗೆಂದ ಮಾತ್ರಕ್ಕೆ ಸಾಲ ಮನ್ನಾ ಮಾಡಿದ್ದೇವೆಂದು ಅರ್ಥವಲ್ಲ. ಸಾಲ ವಸೂಲಾತಿ ಪ್ರಕ್ರಿಯೆ ಮುಂದುವರಿಯುತ್ತವೆ. ಬ್ಯಾಂಕುಗಳು ಈ ವರ್ಷದ ಏಪ್ರಿಲ್‌ನಿಂದ ಜೂನ್‌ವರೆಗಿನ ತ್ತೈಮಾಸಿಕದಲ್ಲಿ ಈಗಾಗಲೇ ಇಂಥ 36,551 ಕೋಟಿ ರೂ.ಗಳನ್ನು ವಸೂಲು ಮಾಡಿವೆ ಎಂದಿದ್ದಾರೆ.