ಪಾಕ್‌ ಡ್ರೋನ್‌ ಹೊಡೆದುರುಳಿಸಿದ ಸೇನೆ

ರಜೌರಿ: ಜಮ್ಮು ಮತ್ತು ಕಾಶ್ಮೀರದ ರಜೌರಿ ಜಿಲ್ಲೆಯ ನಿಯಂತ್ರಣಾ ರೇಖೆಯ(ಎಲ್‌ಒಸಿ) ಸಮೀಪ ಮದ್ದು-­ಗುಂಡು ಮತ್ತು ನಗದು ಸಾಗಿಸುತ್ತಿದ್ದ ಪಾಕಿಸ್ತಾನದ ಡ್ರೋನ್‌ ಅನ್ನು ಭಾರತೀಯ ಸೇನೆ ಹೊಡೆದುರುಳಿಸಿದೆ.

ಡ್ರೋನ್‌ನಲ್ಲಿದ್ದ ಎಕೆ 47 ರೈಫ‌ಲ್‌ನ ಐದು ಮ್ಯಾಗಜೀನ್‌ಗಳು, 131 ಸುತ್ತು ಗುಂಡುಗಳು, 2 ಲಕ್ಷ ರೂ. ನಗದು ಹಾಗೂ ಇತರೆ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಏ.12ರ ಮಧ್ಯರಾತ್ರಿ ರಜೌರಿ ಜಿಲ್ಲೆಯ ಬೆರಿ ಪಟ್ಟಣ ಪ್ರದೇಶದ ಎಲ್‌ಒಸಿ ಉದ್ದಕ್ಕೂ ಡ್ರೋನ್‌ಗಳ ಅನುಮಾನಾಸ್ಪದ ಚಲನವಲನ­ಗಳು ಕಂಡುಬಂದಿತ್ತು. ಈ ಹಿನ್ನೆಲೆಯಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಡ್ರೋನ್‌ ಹೊಡೆದುರುಳಿಸುವಲ್ಲಿ ಭದ್ರತಾ ಪಡೆಗಳು ಯಶಸ್ವಿಯಾಗಿವೆ. ಪ್ರದೇಶದ ಸುತ್ತಮುತ್ತ ಶೋಧಕಾರ್ಯ ಮುಂದುವರಿದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.