ಎಲ್‌ಓಸಿಯಲ್ಲಿ ಪಾಕ್‌ ಬ್ಯಾಟ್‌ ದಾಳಿ ಹಿಮ್ಮೆಟ್ಟಿಸಿದ ಸೇನಾ ಪಡೆ

ಶ್ರೀನಗರ : ಜಮ್ಮು ಕಾಶ್ಮೀರದ ಕುಪ್ವಾರಾ ಜಿಲೆಲಯ ತಂಗದಾರ್‌ ವಲಯದಲ್ಲಿನ ಗಡಿ ನಿಯಂತ್ರಣ ರೇಖೆಯಲ್ಲಿ ಪಾಕಿಸ್ಥಾನದ ಬಾರ್ಡರ್‌ ಆ್ಯಕ್ಷನ್‌ ಟೀಮ್‌ (ಬ್ಯಾಟ್‌) ನಡೆಸಿದ ದಾಳಿಯನ್ನು ಭಾರತೀಯ ಸೇನಾ ಪಡೆ ಹಿಮ್ಮೆಟ್ಟಿಸಿದೆ.

ಪಾಕಿಸ್ಥಾನದ ಬ್ಯಾಟ್‌ ಪಡೆಯು ಸೈನಿಕರು ಮತ್ತು ಉಗ್ರರನ್ನು ಒಳಗೊಂಡಿದೆ. 

ನಿನ್ನೆ ಗುರುವಾರ ತಡರಾತ್ರಿ ಗಡಿಯಲ್ಲಿ ನಡೆದ ಬ್ಯಾಟ್‌ ದಾಳಿಯನ್ನು ಹಿಮ್ಮೆಟ್ಟಿಸುವ ಕಾರ್ಯಾಚರಣೆಯಲ್ಲಿ ಭಾರತೀಯ ಸೇನಾ ಪಡೆಯಲ್ಲಿ ಯಾವುದೇ ಜೀವ ಹಾನಿ ಆಗಿಲ್ಲ ಮತ್ತು ಯಾರೂ ಗಾಯಗೊಂಡಿಲ್ಲ ಎಂದು ಸೇನಾ ಮೂಲಗಳು ಹೇಳಿವೆ.

ಬ್ಯಾಟ್‌ ಮತ್ತು ಭಾರತೀಯ ಸೇನಾ ಪಡೆಯ ನಡುವಿನ ಗುಂಡಿನ ಕಾಳಗ ಒಂದು ತಾಸಿಗೂ ಹೆಚ್ಚು ಕಾಲ ನಡೆದಿತ್ತು. ಭಾರತೀಯ ಯೋಧರು ಬ್ಯಾಟ್‌ಗೆ ಪರಿಣಾಮಕಾರಿ ಉತ್ತರ ನೀಡಿರುವುದಾಗಿ ಸೇನಾ ಮೂಲಗಳು ತಿಳಿಸಿವೆ.