ಪಾಕ್‌ ಗುಂಡಿನ ದಾಳಿಗೆ ಸೈನಿಕ ಹುತಾತ್ಮ:ತಿಂಗಳೊಳಗೆ 11 ಮಂದಿ ಬಲಿ 

ಜಮ್ಮು: ಕದನ ವಿರಾಮ ಉಲ್ಲಂಘನೆ ಮಾಡಿ ಪಾಕಿಸ್ಥಾನ ಅಪ್ರಚೋದಿತ ಗುಂಡಿನ ದಾಳಿ ಮುಂದುವರಿಸಿದ್ದು,ರಜೌರಿ ಸೆಕ್ಟರ್‌ನಲ್ಲಿ  ಶುಕ್ರವಾರ ರಾತ್ರಿ ನಡೆಸಿದ ದಾಳಿಗೆ ಓರ್ವ ಭಾರತೀಯ ಸೈನಿಕ ಹುತಾತ್ಮನಾಗಿದ್ದಾನೆ.

ಉತ್ತರಪ್ರದೇಶದ ಸಹರಣ್‌ಪುರದ ಯೋಧ ಜಯದ್ರಥ ಸಿಂಗ್‌ ಹುತಾತ್ಮರಾಗಿರುವುದಾಗಿ ಸೇನಾ ವಕ್ತಾರರು ತಿಳಿಸಿದ್ದಾರೆ. 

ಈ ತಿಂಗಳಿನಲ್ಲಿ 9 ನಾಗರಿಕರು ಸಾವನ್ನಪ್ಪಿದ್ದು, ಇಬ್ಬರು ಸೈನಿಕರು ಹುತಾತ್ಮರಾಗಿ, 18 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಪಾಕ್‌ ದಾಳಿಗೆ ತಕ್ಕ ಪ್ರತ್ಯುತ್ತರವನ್ನು ಭಾರತೀಯ ಸೈನಿಕರು ನೀಡಿರುವುದಾಗಿ ಸೇನಾ ಮೂಲಗಳು ತಿಳಿಸಿವೆ.