ಕರ್ನಾಟಕದ ಸೇನಾ ಹವಿಲ್ದಾರ್‌ ಈರಪ್ಪ ಹುರುಳಿ ಆತ್ಮಹತ್ಯೆ

ಜೈಪುರ : 37ರ ಹರೆಯದ ಕರ್ನಾಟಕದ ಈರಪ್ಪ ಹುರುಳಿ ಎಂಬ ಸೇನಾ ಹವಿಲ್ದಾರ್‌ ರಾಜಸ್ಥಾನದ ಅಲ್ವಾರ್‌ ಜಿಲ್ಲೆಯಲ್ಲಿಂದು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ವರದಿಯಾಗಿದೆ.

ಹವಿಲ್ದಾರ್‌ ಈರಪ್ಪ ಹುರುಳಿ ಅವರನ್ನು ಭಾರತೀಯ ಸೇನೆಯ ಜೈ ಪಲ್ತಾನ್‌ ಲೈನ್‌ನಲ್ಲಿ  ಕರ್ತವ್ಯಕ್ಕೆ ನಿಯೋಜಿಸಲಾಗಿತ್ತು. ಸೀಲಿಂಗ್‌ ಫ್ಯಾನಿಗೆ ನೇಣು ಬಿಗಿದುಕೊಂಡ ಸ್ಥಿತಿಯಲ್ಲಿ ಅವರ ಶವ ಪತ್ತೆಯಾಯಿತು. ಅವರ ಮೃತ ದೇಹವನ್ನು ಸೇನಾ ಆಸ್ಪತ್ರೆಯಲ್ಲಿ ಇರಿಸಲಾಗಿದ್ದು ಅವರ ಕುಟುಂಬ ಸದಸ್ಯರಿಗೆ ವಿಷಯವನ್ನು ತಿಳಿಸಲಾಗಿದೆ ಎಂದು ಅರಾವಳಿ ವಿಹಾರ್‌ ಪೊಲೀಸ್‌ ಠಾಣಾಧಿಕಾರಿ ತಿಳಿಸಿದ್ದಾರೆ.

ಅರಾವಳಿ ಪೊಲೀಸರು ಸಿಆರ್‌ಪಿಸಿ 174ರ ಪ್ರಕಾರ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.