ಪದ್ಮಶ್ರೀ ವಾಪಸ್‌

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿರುವ ಮಣಿಪುರಿ ಸಿನಿಮಾ ನಿರ್ದೇಶಕ ಅರಿಬಮ್‌ ಶ್ಯಾಮ್‌ ಶರ್ಮ ತಮಗೆ 2006ರಲ್ಲಿ ನೀಡಲಾಗಿದ್ದ ಪದ್ಮಶ್ರೀ ಪ್ರಶಸ್ತಿಯನ್ನು ಹಿಂದಿರುಗಿಸಿದ್ದಾರೆ.

ಪೌರತ್ವ ಮಸೂದೆ-2016 ಅನ್ನು ವಿರೋಧಿಸಿ ಪ್ರತಿಭಟನೆ ನಡೆಸುತ್ತಿರುವವರಿಗೆ ಬೆಂಬಲ ಸೂಚಿಸಿ ತಾವು ಈ ಪ್ರಶಸ್ತಿ ಹಿಂದಿರುಗಿಸಿದ್ದಾಗಿ ಅವರು ಹೇಳಿದ್ದಾರೆ. ಪೌರತ್ವ ವಿಧೇಯಕವು ಈಶಾನ್ಯ ರಾಜ್ಯಗಳ ವಿರೋಧಿ ವಿಧೇಯಕವಾಗಿದೆ. ಅದನ್ನು ಅಂಗೀಕರಿಸಬಾರದು ಎಂಬ ಈಶಾನ್ಯದ ಜನತೆಯ ಮನವಿಗೆ ಕೇಂದ್ರ ಸರಕಾರ ಸ್ಪಂದಿಸುತ್ತಿಲ್ಲ ಎಂದೂ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.