ಅರ್ಚನಾ ಕಾಮತ್‌-ಸಥಿಯನ್‌ ಜೋಡಿಗೆ ಮಿಶ್ರ ಟಿಟಿ ಬಂಗಾರ

ಕಟಕ್‌: ಕಾಮನ್ವೆಲ್ತ್‌ ಟೇಬಲ್‌ ಟೆನಿಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಮತ್ತೂಂದು ಬಂಗಾರದ ಪದಕ ಒಲಿದಿದೆ. ರವಿವಾರದ ಮಿಕ್ಸೆಡ್‌ ಡಬಲ್ಸ್‌ ಸ್ಪರ್ಧೆಯಲ್ಲಿ ಅರ್ಚನಾ ಕಾಮತ್‌-ಜಿ. ಸಥಿಯನ್‌ ಈ ಸಾಧನೆ ಮಾಡಿದರು.

ಫೈನಲ್‌ನಲ್ಲಿ ಅರ್ಚನಾ-ಸಥಿಯನ್‌ 3-0 ಅಂತರದಿಂದ ಸಿಂಗಾಪುರದ ಪೆಂಗ್‌ ಯು ಎನ್‌ ಕೊಯೆನ್‌-ಗೊಯಿ ರುಯಿ ಕ್ಸುವಾನ್‌ ಜೋಡಿಯನ್ನು ಹಿಮ್ಮೆಟ್ಟಿಸಿದರು.

ಸೆಮಿಫೈನಲ್‌ನಲ್ಲಿ ಇದೇ ಸಿಂಗಾಪುರದ ಜೋಡಿ ಭಾರತದ ಶ್ರೀಜಾ ಅಕುಲಾ-ಅಚಂತ ಶರತ್‌ ಕಮಲ್‌ ಅವರಿಗೆ ಸೋಲುಣಿಸಿತ್ತು. ಫೈನಲ್‌ನಲ್ಲಿ ಭಾರತದ ಮತ್ತೂಂದು ಜೋಡಿ ಸೇಡು ತೀರಿಸಿಕೊಳ್ಳುವಲ್ಲಿ ಯಶಸ್ವಿ ಯಾಯಿತು. ಇದು ಈ ಕೂಟದಲ್ಲಿ ಭಾರತಕ್ಕೆ ಒಲಿದ 3ನೇ ಚಿನ್ನದ ಪದಕ.