Advertisement
ಈ ಬಾರಿ ಐಪಿಎಲ್‌ನಲ್ಲಿ ದೇಶದ ಅಗ್ರ 4 ಬುಕ್ಕಿಗಳಲ್ಲಿ ಒಬ್ಬರೆಂದು ಹೇಳಲ್ಪಟ್ಟಿರುವ ಸೋನು ಜಲನ್‌ ಎನ್ನುವವರೊಂದಿಗೆ ಅರ್ಬಾಜ್‌ ಬೆಟ್ಟಿಂಗ್ ನಡೆಸಿದ್ದ. ಈ ವೇಳೆ 2.80 ಕೋಟಿ ರೂ. ಕಳೆದುಕೊಂಡಿದ್ದ. ಆದರೆ ಆ ಹಣವನ್ನು ಅರ್ಬಾಜ್‌ ಪಾವತಿ ಮಾಡಿರಲಿಲ್ಲ. ಇದೇ ಕಾರಣಕ್ಕೆ ಇಬ್ಬರ ನಡುವೆ ವೈಮನಸ್ಯ ಉಂಟಾಗಿತ್ತು. ಇತ್ತೀಚೆಗೆ ಸೋನು ಬಂಧನವಾದಾಗ ಇವರಿಬ್ಬರ ನಡುವಿನ ಈ ಘಟನೆ ಬೆಳಕಿಗೆ ಬಂದಿದೆ. ಅದೇ ಕಾರಣಕ್ಕೆ ಥಾಣೆ ಪೊಲೀಸರು ಅರ್ಬಾಜ್‌ ಹೇಳಿಕೆಯನ್ನು ದಾಖ ಲಿಸಿಕೊಂಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ತನ್ನನ್ನು ಬುಕ್ಕಿ ಸೋನು ಜಲನ್‌ ಬ್ಲ್ಯಾಕ್‌ಮೇಲ್ ಮಾಡಿದ್ದಾನೆ ಎಂಬುದಾಗಿ ಅರ್ಬಾಜ್‌ ಖಾನ್‌ ಪೊಲೀಸರಲ್ಲಿ ಹೇಳಿಕೊಂಡಿದ್ದಾನೆ. ಜಲನ್‌ ದಿಲ್ಲಿಗೆ ಕರೆಸಿಕೊಂಡ ವೇಳೆ ತೆಗೆದ ಫೋಟೋಗಳನ್ನು ಹಾಗೂ ಕರೆಗಳ ಧ್ವನಿಸುರುಳಿಯನ್ನು ಬಳಸಿ ತನ್ನನ್ನು ಬ್ಲ್ಯಾಕ್‌ವೆುàಲ್‌ ಮಾಡುತ್ತಿದ್ದ ಎಂಬುದಾಗಿ ಅರ್ಬಾಜ್‌ ಹೇಳಿದ್ದಾನೆ. ಆದರೆ ಜಲನ್‌ ಮುಖಾಂತರ ಮಾಡಿದ ಬೆಟ್ಟಿಂಗ್‌ನಲ್ಲಿ ತಾನು ಯಾವುದೇ ಹಣ ತೆಗೆದುಕೊಂಡಿಲ್ಲ ಎಂದಿದ್ದಾನೆ.