ದೀಪ ನಮಸ್ಕಾರ ಹೆಸರು ಬದಲಾವಣೆ ಸೂಕ್ತ: ಸಚಿವ ಆರಗ

ಮಂಗಳೂರು : ಸಲಾಂ ಆರತಿ ಹೆಸರನ್ನು ದೀಪ ನಮಸ್ಕಾರ ಎಂದು ಬದಲಾವಣೆ ಮಾಡಲು ರಾಜ್ಯ ಧಾರ್ಮಿಕ ಪರಿಷತ್‌ ತೆಗೆದುಕೊಂಡಿರುವ ತೀರ್ಮಾನ ಅತ್ಯಂತ ಸೂಕ್ತವಾಗಿದೆ ಎಂದು ರಾಜ್ಯ ಗೃಹ ಸಚಿವ ಆರಗ ಜ್ಞಾನೇಂದ್ರ ಹೇಳಿದ್ದಾರೆ.

ವಿಮಾನ ನಿಲ್ದಾಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾ ಡಿದ ಅವರು, ಹಿಂದಿನ ಕಾಲದಲ್ಲಿ ಗುಲಾಮೀ ಪರಿಸ್ಥಿತಿಯಲ್ಲಿ ಸಲಾಂ ಆರತಿ ಪದ್ಧತಿ ಜಾರಿಗೆ ಬಂದಿತ್ತು. ಎಲ್ಲವನ್ನೂ ಸರಿಪಡಿಸುವ ಕೆಲಸ ಆಗಬೇಕಾಗಿದೆ. ದೇವಾಲಯ ಗಳಲ್ಲಿ ಸಾಂಸ್ಕೃತಿಕ ನೆಲೆಗಟ್ಟು ಸರಿ ಯಾಗಬೇಕಿದ್ದು, ಈ ನಿರ್ಣಯ ಸರಿಯಾಗಿದೆ ಎಂದರು.

ರಾಜ್ಯದಲ್ಲಿ ಎಲ್ಲೂ ಕಾನೂನು ಕೈಗೆತ್ತಿಕೊಳ್ಳಬಾರದು ಹಾಗೂ ಅಂತಹ ಪರಿಸ್ಥಿತಿಗೆ ಪ್ರಚೋದನೆ ಕೊಡಬಾರದು. ಎಲ್ಲರೂ ಶಾಂತಿಗೆ ಸಹಕಾರ ನೀಡಬೇಕು. ಸದ್ಯ ದ.ಕ. ಹಾಗೂ ಶಿವಮೊಗ್ಗದಲ್ಲಿ ಕೆಲವೊಂದು ಘಟನೆ ಬಿಟ್ಟರೆ ಉಳಿದಂತೆ ರಾಜ್ಯದಲ್ಲಿ ಶಾಂತಿ ಕದಡಿಲ್ಲ, ಪೊಲೀಸರೂ ಈ ನಿಟ್ಟಿನಲ್ಲಿ ಗಮನ ವಹಿಸಿದ್ದಾರೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.

ಇದನ್ನೂ ಓದಿ: ಪೋರ್ಚುಗಲ್‌ಗೆ ಅಡ್ಡಗಾಲು ಇಟ್ಟು ಸೆಮಿಫೈನಲ್‌ಗೆ ಲಗ್ಗೆ ಮೊರೊಕ್ಕೊ