52 ಯೋಜನೆಗಳಿಗೆ ಒಪ್ಪಿಗೆ

ಬೆಂಗಳೂರು:ರಾಜ್ಯದಲ್ಲಿ 5233.82 ಕೋಟಿ ರೂ. ಬಂಡವಾಳ ಹೂಡಿಕೆ ಹಾಗೂ 63,913 ಜನರಿಗೆ ಉದ್ಯೋಗಾವಕಾಶ ನೀಡುವ 52 ಹೊಸ ಯೋಜನೆಗಳಿಗೆ ರಾಜ್ಯಮಟ್ಟದ ಏಕಗವಾಕ್ಷಿ ಅನುಮೋದನಾ ಸಮಿತಿ ಒಪ್ಪಿಗೆ ನೀಡಿದೆ.

ಕೈಗಾರಿಕೆ ಮತ್ತು ಮೂಲಸೌಕರ್ಯ ಅಭಿವೃದ್ಧಿ ಸಚಿವ ಆರ್‌.ವಿ.ದೇಶಪಾಂಡೆ, ಅಧ್ಯಕ್ಷತೆಯಲ್ಲಿ ನಡೆದ ಸಮಿತಿಯಲ್ಲಿ 5233.82 ಕೋಟಿ ರೂ. ಯೋಜನೆಗಳಿಗೆ ಒಪ್ಪಿಗೆ ನೀಡಲಾಗಿದ್ದು, ಆ ಪೈಕಿ 2369.56 ಕೋಟಿ ರೂ. ಬಂಡವಾಳ ಯೋಜನೆ ಬೆಂಗಳೂರಿನಲ್ಲಿ ಜಾರಿಯಾಗಲಿದ್ದು, ಉಳಿದ 2864.26 ಕೋಟಿ ರೂ. ರಾಜ್ಯದ  ಇತರೆ ಭಾಗಗಳಲ್ಲಿ ಜಾರಿಗೊಳ್ಳಲಿದೆ.

ಎಲೆಕ್ಟ್ರಿಕಲ್‌ ವಾಹನ ತಯಾರಿಕೆ, ಆಟೋಮೊಬೈಲ್‌, ಏರೋಸ್ಪೇಸ್‌, ಎಲೆಕ್ಟ್ರಾನಿಕ್ಸ್‌, ಜವಳಿ ಮತ್ತು ಸಿದ್ಧ ಉಡುಪು ತಯಾರಿಕೆ, ಸ್ಟೀಲ್‌ ಟ್ಯೂಬ್ಸ್, ಅಂಡ್‌ ಪೈಪ್ಸ್‌, ಖಾಸಗಿ ಕೈಗಾರಿಕೆ ಪಾರ್ಕ್‌/ಐಟಿ ಪಾರ್ಕ್‌ ಹಾಗೂ   ಆಹಾರ ಉತ್ಪನ್ನ ಆಧಾರಿತ ವಲಯಗಳ ವಿವಿಧ ಯೋಜನೆಗಳಿಗೆ ಸಮಿತಿ ಅನುಮೋದನೆ ನೀಡಿದೆ ಎಂದು ಸಚಿವ ಆರ್‌.ವಿ.ದೇಶಪಾಂಡೆ ತಿಳಿಸಿದರು.