Manipur ಹೈಕೋರ್ಟ್‌ ಜಡ್ಜ್ ಸುಪ್ರೀಂಗೆ ನೇಮಕ: ಮೊದಲ ಬಾರಿಗೆ ಇಂಥ ತೀರ್ಮಾನ

ನವದೆಹಲಿ: ಮಣಿಪುರ ಹೈಕೋರ್ಟ್‌ನ ನ್ಯಾಯಮೂರ್ತಿ ಎನ್‌.ಕೋಟೀಶ್ವರ್‌ ಸಿಂಗ್‌ ಅವರನ್ನು ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿಯಾಗಿ ನೇಮಿಸಲಾಗಿದೆ. ಹೀಗಾಗಿ, ಮೊದಲ ಬಾರಿಗೆ ಮಣಿಪುರಕ್ಕೆ ಸುಪ್ರೀಂಕೋರ್ಟ್‌ ನ್ಯಾಯಮೂರ್ತಿಗಳ ಸ್ಥಾನಕ್ಕೆ ನೇಮಕ ಮಾಡಿದಂತಾಗಿದೆ.

ಮದ್ರಾಸ್‌ ಹೈಕೋರ್ಟ್‌ನ ಹಂಗಾಮಿ ಮುಖ್ಯ ನ್ಯಾಯಮೂರ್ತಿ ಆರ್‌.ಮಹಾದೇವನ್‌ ಅವರನ್ನು ನ್ಯಾಯಮೂರ್ತಿ ಹುದ್ದೆಗೆ ನೇಮಕ ಮಾಡಲಾಗಿದೆ. ಈ ಬಗ್ಗೆ ಕೇಂದ್ರ ಕಾನೂನು ಸಚಿವ ಅರ್ಜುನ್‌ ರಾಂ ಮೇಘ್ವಾಲ್‌ ಟ್ವೀಟ್‌ ಮಾಡಿದ್ದಾರೆ.

ಇದರಿಂದಾಗಿ ಸುಪ್ರೀಂಕೋರ್ಟ್‌ನಲ್ಲಿ ಮುಖ್ಯ ನ್ಯಾಯಮೂರ್ತಿ ಸೇರಿದಂತೆ 34 ಜಡ್ಜ್ಗಳ ಹುದ್ದೆಯೂ ಭರ್ತಿಯಾದಂತಾಗಿದೆ. ಇದರಿಂದಾಗಿ ಮಣಿಪುರಕ್ಕೆ ಕೂಡ ಸ್ಥಾನ ಮಾನ್ಯತೆ ಕಲ್ಪಿಸಿದಂತಾಗಿದೆ ಎಂದು ಸರ್ಕಾರ ಹೇಳಿದೆ.