Advertisement
ಆ್ಯಕ್ಟಿವ್‌ ನಾಯ್ಸ್ ಕ್ಯಾನ್ಸಲೇಷನ್‌ ಎಂಬುದು ಈ ಹೊಸ ಉತ್ಪನ್ನದ ಮಹತ್ವದ ಸೌಲಭ್ಯವಾಗಿದ್ದು, ಕೇಳುಗರ ಕಿವಿಗೆ ಅನುಗುಣವಾಗಿ, ಸಂಗೀತದ ಏರಿಳಿತವನ್ನು ಈ ಪರಿಕರವೇ ನಿರ್ಧರಿಸುತ್ತದೆ. ಇದು ಈ ಪರಿಕರದ ಮತ್ತೂಂದು ವೈಶಿಷ್ಟ್ಯ. ಎಚ್‌1 ಎಂಬ ಚಿಪ್‌ ಹೊಂದಿದೆ. ಇದರ ಸಹಾಯದಿಂದ, ಏರ್‌ ಪಾಡ್ಸ್‌ ಪ್ರೋಗಳಿಂದ ಅತ್ಯಂತ ಉತ್ಕೃಷ್ಟ ಧ್ವನಿ ಕೇಳಬಹುದು. ಇವು, ವಾಟರ್‌ಪೂ›ಫ್ ತಂತ್ರ ಜ್ಞಾನ ಹೊಂದಿದೆ. ವೈರ್‌ಲೆಸ್‌ ಚಾರ್ಜಿಂಗ್‌ ಪರಿಕರವಾಗಿದ್ದು, ಒಮ್ಮೆ ಚಾರ್ಜ್‌ ಮಾಡಿದರೆ, 24 ಗಂಟೆ ಕಾರ್ಯನಿರ್ವಹಿಸುತ್ತವೆ ಎಂದು ಹೇಳಲಾಗಿದೆ.
ಈ ಏರ್‌ಪಾಡ್‌ ವಿನ್ಯಾಸದ ಬಗ್ಗೆ ಟ್ವಿಟರ್‌ನಲ್ಲಿ ಹಲವರು ಗೇಲಿ ಮಾಡಿದ್ದಾರೆ. ಆ್ಯಪಲ್‌ ಕಂಪನಿಯ ಹೊಸ ಏರ್‌ ಪಾಡ್‌ಗಳು ಹೇರ್‌ ಡ್ರೈಯರ್‌ನಂತಿದೆ ಎಂದು ಅನೇಕರು ಟ್ವೀಟ್‌ ಮಾಡಿದ್ದಾರೆ. ಇನ್ನಷ್ಟು ಮಂದಿ ಇದು ಕೊಕ್ಕರೆಯ ಮೂತಿಯಂತಿದೆ ಎಂದು ತಮಾಷೆ ಮಾಡಿದ್ದರೆ, ಮತ್ತೆ ಕೆಲವರು, ಹೊಸ ಉಪಕರಣ ತುಂಬಾ ದುಬಾರಿ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.