ಭಾರತದ‌ ಜಿಡಿಪಿಗಿಂತಲೂ ಆ್ಯಪಲ್‌ ಮೌಲ್ಯ ಹೆಚ್ಚು!

ಹೊಸದಿಲ್ಲಿ: ಅಮೆರಿಕದ ಬಹುರಾಷ್ಟ್ರೀಯ ಟೆಕ್ನಾಲಜಿ ಕಂಪೆನಿಯಾದ ಆ್ಯಪಲ್‌ನ ಮಾರುಕಟ್ಟೆ ಮೌಲ್ಯವು ಸೋಮವಾರ 3 ಲಕ್ಷಕೋಟಿ ಡಾಲರ್‌ಗೆ ಏರಿಕೆಯಾಗಿದ್ದು, ಇದು ಭಾರತ ಸೇರಿದಂತೆ ಹಲವು ಪ್ರಮುಖ ದೇಶಗಳ ಜಿಡಿಪಿ(ಒಟ್ಟು ದೇಶೀಯ ಉತ್ಪನ್ನ)ಗಿಂತಲೂ ಹೆಚ್ಚು ಎಂದು ಬಣ್ಣಿಸಲಾಗಿದೆ.

ಭಾರತದ ಜಿಡಿಪಿ 2.72 ಲಕ್ಷ ಕೋಟಿ ಡಾಲರ್‌ ಆಗಿದ್ದರೆ, ಯುಕೆ ಜಿಡಿಪಿ 2.83 ಲಕ್ಷ ಕೋಟಿ ಡಾಲರ್‌ ಆಗಿದೆ. ಅಂತಾರಾಷ್ಟ್ರೀಯ ಹಣಕಾಸು ನಿಧಿಯ ದತ್ತಾಂಶದ ಪ್ರಕಾರ, ಕೇವಲ ನಾಲ್ಕು ರಾಷ್ಟ್ರಗಳ (ಅಮೆರಿಕ, ಚೀನ, ಜಪಾನ್‌ ಮತ್ತು ಜರ್ಮನಿ) ಜಿಡಿಪಿ ಮಾತ್ರ ಆ್ಯಪಲ್‌ ಕಂಪೆನಿಯ ಮಾರುಕಟ್ಟೆ ಮೌಲ್ಯಕ್ಕಿಂತ ಹೆಚ್ಚಿವೆ.

ಇದನ್ನೂ ಓದಿ:ದೇಶದಲ್ಲಿ ಹೆಚ್ಚಲಿದೆ ಆನ್‌ಲೈನ್‌ ಖರೀದಿ : 2025ರ ವೇಳೆಗೆ ಶೇ.17ಕ್ಕೆ ಏರಿಕೆ ಸಾಧ್ಯತೆ

ಅಮೆರಿಕದ ಜಿಡಿಪಿ 20.72 ಲಕ್ಷಕೋಟಿ ಡಾಲರ್‌ ಆಗಿದ್ದರೆ, ಚೀನದ್ದು 13.4 ಲಕ್ಷಕೋಟಿ ಡಾಲರ್‌, ಜಪಾನ್‌ನದ್ದು 4.97 ಲಕ್ಷಕೋಟಿ ಡಾಲರ್‌, ಜರ್ಮನಿಯದ್ದು 4 ಲಕ್ಷಕೋಟಿ ಡಾಲರ್‌ ಆಗಿದೆ.