Apple ನಿಂದ 600ಕ್ಕೂ ಅಧಿಕ ಉದ್ಯೋಗಿಗಳ ವಜಾ

ಕ್ಯಾಲಿಫೋರ್ನಿಯಾ: ಆ್ಯಪಲ್‌ ಕಂಪೆನಿ ಉದ್ದೇಶಿತ ಕಾರು ಮತ್ತು ಮೈಕ್ರೊಎಲ್‌ಇಡಿ ವಾಚು ತಯಾರಿಕ ಯೋಜನೆ ರದ್ದುಗೊಳಿಸಿದ್ದರಿಂದ ಆ ವಿಭಾಗದಲ್ಲಿ ಕೆಲಸ ಮಾಡುವ 600ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ವಜಾಗೊಳಿಸಿದೆ.

ಫೆಬ್ರವರಿಯಲ್ಲಿ ಯೋಜನೆ ಕೈಬಿಡಲು ಕಂಪೆನಿ ತೀರ್ಮಾನಿಸಿತ್ತು. ಕಾರು ತಯಾರಿಕೆ ಬಗ್ಗೆ 2014ರಲ್ಲಿ ಆ್ಯಪಲ್‌ ಘೋಷಣೆ ಮಾಡಿತ್ತು. ಜತೆಗೆ ಮೈಕ್ರೊ ಎಲ್‌ಇಡಿ ಡಿಸ್‌ಪ್ಲೇ ವಾಚ್‌ ಅಲ್ಟ್ರಾ ತಯಾರಿಕೆಗೂ ಮುಂದಾಗಿತ್ತು. ಈ ಬಗ್ಗೆ ಹೇಳಿಕೆ ನೀಡಿರುವ ಕಂಪೆನಿ ವಕ್ತಾರರು “ಈಗ ನಾವು ಜನರೇಟಿವ್‌ ಎ.ಐ. ನತ್ತ ನಮ್ಮ ಗಮನ ಹರಿಸಿದ್ದೇವೆ ಎಂದು ತಿಳಿಸಿದ್ದಾರೆ.