ಕುಡುಬಿ ಸಮಾಜದಿಂದ ಮುಖ್ಯಮಂತ್ರಿ ಸಿದ್ದರಾಮಯ್ಯಗೆ ಮನವಿ

ಬೆಳಗಾವಿ: ದಕ್ಷಿಣ ಕನ್ನಡ ಜಿಲ್ಲಾ ಕುಡುಬಿ ಸಮಾಜ ಸೇವಾ ಸಂಘ, ಕೊಂಪದವು ಆಶ್ರಯದಲ್ಲಿ ನಡೆದ ಕುಡುಬಿ ಸಮುದಾಯದ ಹಕ್ಕೊತ್ತಾಯ ಜಾಥಾದಲ್ಲಿ ಮಂಡಿಸಲಾದ ಸಮುದಾಯದ ಬೇಡಿಕೆಗಳ ಬಗ್ಗೆ ಬೆಳಗಾವಿಯಲ್ಲಿ ನಡೆಯುತ್ತಿರುವ ಅಧಿವೇಶನದಲ್ಲಿ ಚರ್ಚೆ ನಡೆಸುವಂತೆ ಸಮಾಜದ ವತಿಯಿಂದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ವಿಧಾನಸಭಾಧ್ಯಕ್ಷ ಯು.ಟಿ. ಖಾದರ್‌ ಅವರನ್ನು ಭೇಟಿಯಾಗಿ ದಾಖಲೆ ಸಹಿತ ಮಾಹಿತಿ ನೀಡಲಾಯಿತು.

ಶಾಸಕರಾದ ಗುರುರಾಜ್‌ ಗಂಟಿಹೊಳೆ, ಗುರ್ಮೆ ಸುರೇಶ್‌ ಶೆಟ್ಟಿ, ಕಿರಣ್‌ ಕುಮಾರ್‌ ಕೊಡ್ಗಿ, ವೇದವ್ಯಾಸ ಕಾಮತ್‌, ಉಮಾನಾಥ ಕೋಟ್ಯಾನ್‌ ಅವರನ್ನು ಹಾಗೂ ಭೇಟಿ ಮಾಡಲಾಯಿತು.

ಬೆಳ್ತಂಗಡಿ ಬೆಸ್ಟ್‌ ಫೌಂಡೇಶನ್‌ ಸಂಚಾಲಕ ರಕ್ಷಿತ್‌ ಶಿವರಾಂ, ಸಂಘದ ಪದಾಧಿಕಾರಿಗಳಾದ ಹೇಮಚಂದ್ರ ಸಿದ್ದಕಟ್ಟೆ, ಶೇಖರ ಗೌಡ ಬಜಪೆ, ಸುಂದರ ಗೌಡ ಕಡಂದಲೆ, ಎಚ್‌. ರಾಮಗೌಡ ಹೊಸಗದ್ದೆ, ಕರುಣಾಕರ ಸಿದ್ದಕಟ್ಟೆ ನಾರಾಯಣ ನಾಯ್ಕ ಉಡುಪಿ ಉಪಸ್ಥಿತರಿದ್ದರು.